Popular Bible Verses from Galasi 5

Share

Ɛcɛ a Vʋʋrʋ Sõw bom'ɩ: nɔ̃wfʋ, nʋ̃ɔ̀, ƴã-ɓaarʋ, su-nyɔwra, vɩɛlʋ, nɩ-vla-ɩb, naaŋmɩn-sàw-deb, nɩsaal bàálʋ-ɩb, tʋɔra-nyɔwfʋ. A Moyiir wulu bɛ diwr a yele á ŋá taabɛ bɛrɛ ɩ.

A na ɩ à ŋá a, yel ŋa n'ʋ ɩ̃ bɔbr k'ɩ̃ɩ yel kʋ̀ nyɩ: nyɩ bɛr a nyɩ nyɔ-vʋʋrʋ kʋ̀ a Vʋʋrʋ Sõw ɛ́ nyɩ kʋ̃ ɩrɛ a lɛ a nyɩ nɩsaalʋ na bɔbr a ɩ.

A Vʋʋrʋ na n'ʋ so tɩ vʋʋrɛ a, tɩ mɩ̀ bɛr tɩ tʋɔra kʋ̀ ʋ.

A bɛlɩ dem a Kɩrɩta na so a, bɛ kpa n a nɩsaalʋ a da-gara zu lãwnɩ a ʋ vʋla bʋʋrɛ na mɩ́ be a ʋ zie a, nɩ a ʋ yel-bɔbrɩ.

A nɩsaalʋ tõ-toni sãá nɩ nyɩraalɛ, alɛ n'ɩ á ŋá: pɩ̃ɔ-yele, dɛwr, faalʋ, tɩbɛ maalʋ, sʋɔlʋ, dɔ̃, zɛb-taa, nyuur, suur, cier-taa, bɛ-wõ-taa, bʋ́r-taa, nyɛ̃ a fʋ tɔ bom bɔbr, dãa kuolu, dɩ tɩ gãw nɩ taa, nɩ a yele á ŋá taabɛ. Nyɩ páw bãwnɩ a, mɛ̃ a lɛ ɩ̃ na tɩ dãw yel kʋ̀ nyɩ a, a bɛlɩ dem na tɛr a ɩ-ɩrɩ á ŋá taabɛ a kʋ̃ nyɛ̃ zie a Naaŋmɩn Naalʋ pʋɔ ɩ.

Yɛbr i, a nyɩɩm a, a tʋɔra-sob ƴãw n'a bɛ bʋɔlɩ nyɩ. Ɛcɛ nyɩ taa wa yel kɛ́ a tʋɔra-sob ŋa ƴãw ɛ́ tuur a nyɩ nɩsaal yel-bɔbrɩ na bɛ vɩɛl a ɩ. Nyɩ nɩ̃ɛ mɩ́ kaarɛ taa zie a nɔ̃wfʋ zũú.

Bʋ̃ʋ n'ʋ vɛ̃, a tɩ nɩsaalʋ yel-bɔbrɩ nɩ a Vʋʋrʋ Sõw dem bɛ lãw taa ɩ, ɛ́ a Vʋʋrʋ Sõw yel-bɔbrɩ nɩ a tɩ nɩsaalʋ dem mɩ̀ bɛ lãw taa ɩ, mɔb'a be a za ayi cara pʋɔ. Alɛ n'a so nyɩ bɛ tʋɔr ɩrɛ a lɛ nyɩ na bɔbr a ɩ.

Bʋ̃ʋ n'ʋ vɛ̃, a Naaŋmɩn wulu za zu n'ɩ: «Fʋ na nɔnɛ nɩ a fʋ tɔ sob mɛ̃ a fʋ mɩŋa a.»

Tɩ ta mɩ́ pɔrɛ ɩ, a nɔhaarʋ nɩ a nyu-ɩb, a ta be a tɩ cara pʋɔ ɩ.

A Kɩrɩta ír tɩ na bɛr a gbãgbaalʋ pʋɔ, kɛ́ tɩ sɩrɩ so tɩ tʋɔra. A na ɩ à ŋá a, nyɩ ƴãw fãw ta lɛb de a gbãgba-mie ɩ.