Popular Bible Verses from Ezekɩɛl 4

Share

Gã a fʋ gʋba lõbowr zu. Lɛn daar za fʋ na na gã à à ŋá a, fʋ na tuo nɩ a Ɩsɩrayɛl naalʋ-tẽw yel-bebe, fʋ na tuo nɩ a tɩbrʋ. Ɩ̃ ƴãw na fʋ ɩrɛ à à ŋá bibie na man a yome lɛ nʋɔr a Ɩsɩrayɛl naalʋ-tẽw na maalɩ a yel-bebe a. A na ɩ à ŋá a, fʋ na tuo nɩ a ʋ yel-bebe tɩbrʋ bibie kɔbr ata dɔwlɩ lɩz'a anaar nɩ pie (390).

Fʋ̃ʋ wa baarɩ a bibie á ŋá a, fʋ̃ʋ lɩɛbɩ a dʋrʋ lõbowr zu, ɛ́ tuo a Zuda naalʋ-tẽw yel-bebe tɩbrʋ yome lɩz'a ayi. Ɩ̃ kʋ̀rɛ fʋ nɩ bibi-been yũon za ƴãw, a yome al za a Zuda na maalɩ a yel-bebe a.

De ble, ɔɔzʋ, bɛ̃w bʋʋrɛ kãw bɛ na bʋɔlɛ fɛɛvʋ nɩ lãtɩɩ a, ci nɩ ble kpawlɛ. Nyaw a za taa bom pʋɔ maal'ɩ dipɛ̃. A na ɩ n a fʋ bʋ̃-dɩrɩ a bibie kɔbr ata dɔwlɩ lɩz'a anaar nɩ pie (390) fʋ na na gã nɩ a lõbowr a.