Popular Bible Verses from Ezekɩɛl 34

Share

A pɛ́rʋ na bɔr a, ɩ̃ na cen na tɩ bɔ ʋ, a ʋl na cen zãá a, ɩ̃ na lɛb'a ŋmãa ʋ wa n. A ʋl na tɛr gbɛ-kaba a, ɩ̃ na sanɩ ʋ na. A ʋl na ɩ bàal a, ɩ̃ na lɛb'a kʋ̀ ʋ fãw. Ɛcɛ a ʋl na 'wɔr ɛ́ kpɛmɛ a, ɩ̃ na kʋ ʋ na. Ɩ̃ na kaarɛ nɩ a ɩ̃ dʋn zie tu n a mɩnʋ nɛ́ɛ.»

Pi-cɩ̃ɩnɛ wa be píir na yaarɩ a ziir za a sɔgɔ a, ʋ mɩ́ kaarɛ nɩ a ʋ píir zie. Lɛ mɩ̀ n'a ɩ̃ na kaa a ɩ̃ dʋn zie. Ɩ̃ na cen na tɩ faa a ɩ̃ píir a be za a na cen, a ulu nɩ a lige bibir a.

À ŋá n'a a mãa Sore Naaŋmɩn yere: a na dɛ tĩ a ƴɛrɛŋa a, mãa mɩŋa n'ʋ na cen tɩ bɔ a ɩ̃ píir, ɩ̃ɩ na kaarɛ nɩ a zie.

Mãa n'ʋ na ɩ a ɩ̃ dʋn cɩ̃ɩnɛ, mãa n'ʋ na ɩ a pɩ̃ɛnɛ. A mãa Sore Naaŋmɩn n'ʋ yere.

Sɩza, a nyɩɩm nɩsaalbɛ, nyɩ ɩ n a ɩ̃ dʋn, ɩ̃ɩ kaarɛ a nyɩ zie. Sɩza, mãa n'ɩ a nyɩ Naaŋmɩn. A mãa Sore Naaŋmɩn n'ʋ yere.»

«A fʋ̃ʋ nɩsaal bie, ƴɛ̀r naaŋmɩn-ƴɛ̀r-manɛ ƴɛ̀rʋ càar'ɩ a Ɩsɩrayɛl nɩbɛ nɩ-bɛrɛ. Ƴɛ̀r mɛ̃ naaŋmɩn-ƴɛ̀r-manɛ a yel bɛ: À ŋá n'a a mãa Sore Naaŋmɩn yere: Baw-bio páw nyɩ na, a nyɩɩm Ɩsɩrayɛl nɩbɛ cɩ̃ɩnbɛ! Nyɩ kaarɛ nɩ nyɩ mɩŋa zie! A píir zie bɛ tʋ̃ɔ́ n'a a pi-cɩ̃ɩnbɛ mɩ́ sɛw kɛ́ bɛ kaarɛ ɩ?