Popular Bible Verses from Ezekɩɛl 18

Share

Sɩza, ɩ̃ yere na, a mãa Sore Naaŋmɩn, ɩ̃ bɛ bɔbr nɩr kãw za kũu ɛ. Nyɩ lɩɛbɩ a nyɩ ɩb ɛ́ vʋʋrɛ!»

A sãwna sob'ʋ mɩ́ sɛw k'ʋʋ kpi. Bɛ kʋ̃ mɩ́ dɔwrɩ a bibiir a bɛ dɔwrbɛ yel-bebe zũú ɛ, a dɔwrbɛ kʋ̃ mɩ́ nyɛ̃ dɔwrʋ a bɛ bibiir sãwna zũú ɛ. Sob nɛ na ɩrɛ vla a na páw nɩ sã-ya a ʋ ɩb na tu mɩnʋ a zũú, sob nɛ na kpɛ faa a na nyɛ̃ nɩ dɔwrʋ a ʋ ɩb na bɛ vɩɛl a zũú.»

Nyɩ zawrɩ a nyɩ ɩ-faar za bɛr, nyɩ lɩɛbɩ a nyɩ socie nɩ a nyɩ tɩɛrʋ. Bʋ̃ʋ n'ʋ so nyɩ bɔbr kɛ́ nyɩ kpi, Ɩsɩrayɛl nɩbɛ ɛ?

A nɩ-faa kũu nyɛ́b nɔ̃w ɩrɛ mɛ̃ nɩ nʋ̃ɔ̀ bɩɩ? Ɩ̃ yere na kʋ̀rɛ nyɩ, a mãa, a Sore Naaŋmɩn: a ʋlɩ bom nɛ ɩ̃ na bɔbr'a, ʋlɛ n'ɩ k'ʋʋ lɩɛbɩ a ʋ ɩb ɛ́ vʋʋrɛ.

«A nɩ-faa wa zawrɩ a yel-bebe al za ʋ na tɩ maalɩ a bɛr a, ʋlɛ wa tuur a ɩ̃ nɛ-ƴãwnɩ za a, ʋlɛ wa ɩrɛ a lɛ na tori a, ɛ́ tu a mɩnʋ a, ʋ na vʋʋrɛ na, ʋ kʋ̃ kpi ɛ.

Ʋ sàwr'ɩ a ɩ̃ wulu ɛ́ tuur a ɩ̃ nɛ-ƴãwnɩ kʋ̃ lɛb pùor ɛ. Nɩ-mɩŋa sɩrɩ n'ʋ, ʋ na vʋʋrɛ na, a mãa Sore Naaŋmɩn n'ʋ yere.