Popular Bible Verses from Wulu-ayi-sob 10

Share

Ƴɛrɛŋa a, Ɩsɩrayɛl nɩbɛ ɛ, bʋ̃ʋ n'ʋ a Sore nyɩ Naaŋmɩn gùre a nyɩ zie? A ʋlɩ bom nɛ tɛwr ʋ na gùre a, ʋlɛ n'ɩ kɛ́ nyɩ zɔrɛ ʋ, maalɛ a ʋ pʋ-tɩɛrʋ, nɔnɛ ʋ, ɛ́ tone a ʋ tome nɩ a nyɩ pʋɔ za, nɩ a nyɩ sɩ́ɛ za. Ʋ gù na kɛ́ nyɩ sàwr a ʋ nɛ-ƴãwnɩ nɩ a ʋ wulu ɩ̃ na kʋ̀rɛ nyɩ a dɩ̃a, a nyɩ vla ƴãw a.

Bʋ̃ʋ n'ʋ vɛ̃, a Sore nyɩ Naaŋmɩn n'ɩ a ŋmɩmɛ za Naaŋmɩn, a sorbɛ za Sore, a Naaŋmɩn na ɩ kpɛ̃ɛ a, na kpɛmɛ ɛ́ bɛ tɛr dɩ̃ɛnʋ a. Ʋ bɛ owre ɩ, ɛ́ bɛ sàwr bɛ ŋmɩɛr ʋ nʋɔr ɛ.

A na ɩ à ŋá a, nyɩ ɩ nɩbɛ a Sore na so gbɛ́ɛ nɩ nuru a, nyɩ ta cãà dɩrɛ zu-kpɛnʋ a ʋ zie ɩ.

Ʋ mɩ́ kpɛ n a bi-kpebe nɩ a pɔw-kɔbɛ, ɛ́ ɩ a ʋ nɔ̃wfʋ ʋ sãá a nʋʋrɩ na kpɩɛr a nyɩ pʋɔ a zie, mɩ́ kʋ̀ bɛ bʋ̃-dɩrɩ nɩ bʋ̃-suuri.

Ʋlɛ n'ʋ nyɩ na mɩ́ danɛ, ʋlɛ n'ɩ a nyɩ Naaŋmɩn na maalɩ yel-bɛrɛ na ɩrɛ dɛ̃bɩ̃ɛ a, a nyɩ ƴãw, yele nyɩ na nyɛ̃ nɩ mimir a.

Nyɩ zɔrɛ a Sore nyɩ Naaŋmɩn, nyɩ tone ʋ, nyɩ tu a ʋl yõ pùor, ɛ́ mɩ́ pɔ n a ʋ yúor yõ.

Yel-mɩŋa za, a Sore nyɩ Naaŋmɩn so a salom kpɛ̃ɛ kpɛ̃ɛ ŋa, a tẽsɔw nɩ a bome za na be a ʋ zu a.

A na ɩ à ŋá a, a nyɩɩm mɩ̀, nyɩ mɩ̀ nɔnɛ a nʋʋrɩ na be a nyɩ sɔgɔ a, bʋ̃ʋ n'ʋ vɛ̃, nyɩ mɩ̀ tɩ ɩ n nʋʋrɩ a Eziptɩ.