Popular Bible Verses from Nɩ-toni 16

Share

Bɛ tɩ sɔw ʋ na: «Sàw de a Sore Yeezu ɛ́ fʋ na páw nɩ a faafʋ, fʋ̃ʋ nɩ a fʋ yir dem za.»

A tɩ̃ɩsɔw zi-põ-zɛ̃-taa vuo pʋɔ, a Pol nɩ a Sɩlasɩ tɩ puore na yiele danɛ nɩ a Naaŋmɩn, ɛ́ a nɩ-pàwrɩ ŋmaarɛ bɛl bɛrɛ wone. Bɛ wa bere na a tẽsɔw kɔbr dam kpɛ̃w kpɛ̃w za, dam a gaso yir pɛr. A gaso yir pamɛ za tɩ yuori nɩ a pɛr nɛ pʋɔ, ɛ́ a nɩ-pàwrɩ za bamɛ kpa lo.

Al pùorí, ʋ tɩ tɛr bɛ na yi n ɛ́ sowri bɛ: «Ɩ̃ bá mɩnɛ ɛ, bʋ̃ʋ n'ʋ a fɛr k'ɩ̃ɩ ɩ páw a faafʋ?»

A gaso-gùre na wa zaw ìr a, ʋ nyɛ̃ nɩ a gaso dɩ̃dɛɛ pamɛ na yuori a, lɛ n'a ʋ tɩɛr kɛ́ a nɩ-pàwrɩ yi na zɔ, ɛ́ tɩ vʋ̃ɔ a ʋ sʋɔ k'ʋʋ kʋ n ʋ tʋɔra. Ɛcɛ a Pol tɩ tanɩ na nɩ kɔkɔr-kpɛ̃w yel ʋ: «Taa wa nanɩ kʋrɛ fʋ tʋɔra ɩ, tɩ za be n ka!»