Popular Bible Verses from 2 Pɩɛr 3

Share

A Sore bɛ cɛlɛ a ʋ nʋɔr ʋ na ƴãw a tub ɛ, mɛ̃ bɛ mɩnɛ kãw na yel k'ʋʋ cɛlɛ na a ɩ. Ɛcɛ, a nyɩɩm ƴãw n'a ʋ nyɔw ʋ tʋɔra bɛ páwr ɛ, ɛ́ bɔbr kɛ́ nɩr kãw za taa wa bɔrɛ ɩ, ɛ́ a nɩbɛ za lɩɛbɩ a bɛ ɩb.

Ɩ̃ bá mɩnɛ ɛ, bʋ̃-been ŋa n'ʋ a fɛr kɛ́ nyɩ taa yiire ɩ: a Sore zie a, bibi-been yõ mɩ́ ɩ na mɛ̃ yome túr (1 000) a, ɛ́ yome túr (1 000) ɩ mɛ̃ bibi-been a.

Ɛcɛ nyɩ kɛrɛ a tɩ Sore nɩ a tɩ Faarɛ Yeezu Kɩrɩta maalʋ nɩ a ʋ bãwfʋ pʋɔ. Ʋlɛ so yúor-vɩɛlʋ-danʋ ƴɛrɛŋa nɩ kʋralɛ. Amɛn.

A Sore waa bibir na vɩɛ na mɛ̃ nyãnyuge a. A ʋlɩ bibir nɛ a, a salom na dam'a ɩ gɔmɛ tɛwr ɛ́ bɔr. A salom zu bʋ̃-íri na nyɔw nɩ vũu dɩ nyɩl, a tẽw nɩ a bome al za na be a ʋ zu a kʋ̃ cãà ɩ.

A bome á ŋá na na sãw à ŋá a, nyɩ bãw lɛ a na fɛr kɛ́ nyɩ ɩrɛ a. A fɛr'a kɛ́ a nyɩ cenu vɩɛl, ɛ́ nyɩ tu a Naaŋmɩn pùor, nyɩɩm na gùre ɛ́ ƴãw fãw ɩrɛ kɛ́ a Naaŋmɩn bibir ta fɔ̃w a. A bibir ʋl a salom na na dɩ wɛ, ɛ́ a salom zu bʋ̃-íri nyɔw vũu dɩ nyɩl a.