Popular Bible Verses from 1 Zã 2

Share

Nyɩ ta nɔnɛ a tẽ-daa nɩ a tẽ-daa zu bome ɩ, nɩr wa nɔnɛ a tẽ-daa a, ʋ bɛ mɩ́ tɛr a Naaŋmɩn Sãà nɔ̃wfʋ ɛ. Bʋ̃ʋ n'ʋ vɛ̃, bom za a tẽ-daa na so a: a nɩsaal pʋ-tɩɛrʋ bʋ̃-bɔbrɩ na bɛ vɩɛl a, bom fʋ na mɩ́ nyɛ̃ a mimir zaalɛ a, a pɔ̀l-ɩb a tɛra pʋɔ, à á ŋá za bɛ yire a Naaŋmɩn Sãà zie ɩ, a tẽ-daa zie n'a a yire.

A tẽ-daa tɔlɛ na, ʋlɛ nɩ a ʋ bome a nɩsaalbɛ na mɩ́ bɔbr a, ɛcɛ sob nɛ na maalɛ a Naaŋmɩn pʋ-tɩɛrʋ a mɩ́ be n be kʋralɛ.

Sob nɛ na yel k'ʋʋ lãw nɩ nɩ a Naaŋmɩn a, a fɛr'a k'ʋʋ vʋʋrɛ mɛ̃ a lɛ a Yeezu na dãw vʋʋrɩ a.

Ɩ̃ bibiir i, ɩ̃ sɛbr nyɩ nɩ à á ŋá kɛ́ nyɩ taa maalɛ yel-bier ɛ. Ɛcɛ nɩr wa ɩ mɛ̃ ʋ maal'ɩ yel-bier a, tɩ tɛr'ɩ nɩr a Naaŋmɩn Sãà zie ʋ mɩ́ ƴɛ̀r faa tɩ, ʋlɛ n'ɩ a Yeezu Kɩrɩta na ɩ nɩ-mɩŋa a.

Sob nɛ na yere: «Ɩ̃ bãw ʋ na», ɛ́ bɛ sàwr a ʋ nɛ-ƴãwnɩ a, ʋ ɩ n zir-ŋmarɛ, ɛ́ a yel-mɩŋa bɛ be a ʋ zie ɩ.

Ɛ́ à ŋá n'a tɩ nyɛ̃ kɛ́ tɩ bãw nɩ a Naaŋmɩn: tɩmɛ wa sàwr a ʋ nɛ-ƴãwnɩ a.

Ʋlɩ sob na yere k'ʋʋ be n cãà pʋɔ ɛ́ hɩ̃ɛn a ʋ yɛb a, ʋ cãà na be a lige pʋɔ.

Ãa n'ɩ a zir-ŋmarɛ, ʋ bɛ ɩ a sob nɛ na yere k'aa Yeezu bɛ ɩ a Kɩrɩta a? A Kɩrɩta dɔ̃ sob'ɩ à ŋà: ʋ na zawrɛ a Sãà nɩ a Bie za a.

Sob nɛ za na zawrɛ a Bie a, mɩ̀ bɛ tɛr a Sãà ɩ. Ɛ́ sob nɛ za na sàw a Bie a mɩ̀ tɛr'ɩ a Sãà.