Popular Bible Verses from 1 Korɛ̃tɩ 13

Share

A nɔ̃wfʋ tɛr'ɩ su-nyɔwra, ʋ sõwne nɩ nɩbɛ, ɛ́ bɛ kpɛ nyuur ɛ, ʋ bɛ wule ʋ tʋɔra ɩ, ʋ bɛ ɩrɛ pɔ̀lʋ ɛ, ʋ bɛ ɩrɛ vĩ yele ɩ, bɛ bɔbr ʋl yõ tɔnɛ ɩ, ʋ bɛ nyɛrɛ suur ɛ, bɛ tɛr pʋ-bier ɛ

A nɔ̃wfʋ mɩ́ de nɩ yel za bɛr a baarɩ, ʋ mɩ́ tɛr'ɩ a naaŋmɩn-sàw-deb a yele za pʋɔ, lãwnɩ a tɩɛrʋ ʋ na ƴãw a Naaŋmɩn ƴãw a, ɛ́ mɩ́ nyɔw ʋ tʋɔra bom za ƴãw.

ʋ bɛ cɩlɛ a yel-na-bɛ-tu-sɔr-a ƴãw ɛ, yel-mɩŋa ƴãw n'a ʋ mɩ́ cɩlɛ.

A na ɩ à ŋá a, a ƴɛrɛŋa a, a naaŋmɩn-sàw-deb, a ƴãw a tɩɛrʋ a Naaŋmɩn ƴãw, nɩ a nɔ̃wfʋ be n be a za ata, ɛcɛ a za ata pʋɔ a, a nɔ̃wfʋ n'ɩ a kpɛ̃ɛ.

A nɔ̃wfʋ bɛ tɛr nãà tɔl ɛ. A naaŋmɩn-ƴɛ̀r-manɛ tome na baar'ɩ bibir kãw, a ƴɛ̀r-pɛ-bʋʋrɛ ƴɛ̀rʋ na kpiir'a, a bãwfʋ na baar'a.

Mãa saa ɩ mɛ̃ ɩ̃ ƴɛ̀rɛ nɩ a ƴɛ̀r-pɛ-bʋʋrɛ za a, a nɩsaalbɛ dem nɩ a malkɩ mɩnɛ dem a, ɛ́ mãa bɛ wa tɛr a nɔ̃wfʋ a, ɩ̃ ɩ na mɛ̃ kure bɛ na ŋmɩɛr ʋ kone yire a, bom bɛ na ŋmɩɛr ʋ pàwr gɔmɛ a.

Mãa saa páw a naaŋmɩn-ƴɛ̀r-manɛ maalʋ, bãw a Naaŋmɩn yel-sɔwlɩ za, ɛ́ mɩ́ zànɩ bom za bãw a, mãa saa tɛr a naaŋmɩn-sàw-deb ʋ za, a ʋl na na tʋ̃ɔ́ ɓáw a tan tɩ bin zi-yoru a, mãa bɛ wa tɛr a nɔ̃wfʋ a, ɩ̃ bɛ ɩ bom za ɩ.

Mãa saa de a ɩ̃ bʋ̃-tɛrɩ za põ kʋ̀ a kɔ̃ dem, mãa saa de a ɩ̃ ƴã-gan ƴãw vũumí a, mãa bɛ wa tɛr a nɔ̃wfʋ a, ɩ̃ bɛ páwr bom za a pʋɔ ɩ.

Ɩ̃ na tɩ ɩ bibile a, ɩ̃ tɩ ƴɛ̀rɛ na mɛ̃ bibile a, ɩ̃ tɩ tɩɛrɛ na mɛ̃ bibile a, ɛ́ a ɩ̃ yã tɩ ɩ bibi-yã. Ɛcɛ, ɩ̃ na wa ɩ nɩ-kpɛ̃ɛ baar'a, ɩ̃ bɛr'ɩ a bibi-ɩb.