Popular Bible Verses from Orom Sɛbɛ 10

Share

A ala ɩ fʋ cã na yelʼɩ̃ a fʋ nʋɔr áa *Jeeju ɩ na a Nɩ-kpɛ̃ɛ, ɩ̃ mɩ sɔw nɩ a fʋ suur, áa Naaŋmɩn maal ʋ na ʋ ir a kũu pʋɔ, fʋ na pɔw na a faafʋ.

A-na-ɩ a suur a nɩrɛ na sɔw nɩ ɩ̃ lɩɛb tor a Naaŋmɩn nii-sɔw, ɩ̃ a ʋ nʋɔr ʋ na mɩ cã nɩ yel, ɩ̃ pɔw a faafʋ a Naaŋmɩn jie.

A lɛ, a Naaŋmɩn ƴɛrɩ̃ sɔw-defʋ yi na a cɛlfʋ jie, ɩ̃ a ala sɩ na cɛlɛ ɩ na a Kirisi ƴɛrɩ̃.

A mɩnɛ a Naaŋmɩn Sɛbɛ na yel, áa nɩrɛ lɛ na sɔw de ʋ, vĩ kɔ̃ wa kpɛ ʋ fɩ̃ɩ wa. A Naaŋmɩn nii-sɔw, a Jufisɩ nɩ a nɩ-bʋlsɩ ma be kpee kpee wa, a-na-ɩ a ba jaa tɛrɛ na a Nɩ-kpɛ̃-bõ-ƴen na tɛrɛ a na-yele a bala ba jaa na bʋɔlɔ a ʋ yuor ɩnɛ. A mɩnɛ a na sɛb a Naaŋmɩn Sɛbɛ pʋɔ: “A nɩrɛ lɛ na bʋɔlɔ a Nɩ-kpɛ̃ɛ yuor na pɔw na a faafʋ.”

Ɩ̃ mɩnɛ ba na ɩ ɩ̃ hier a ʋ ƴɛrɩ̃ a ala ɩ nɩbɛ ma be be na tʋ̃ ba wa? A mɩnɛ a na sɛb a Naaŋmɩn Sɛbɛ pʋɔ: “Nyɛ a mɩnɛ a bala na hiere a ƴɛr-son wafʋ na vɩɛlɛ!”

Ɩ̃ mɩnɛ ba na ɩ ɩ̃ bʋɔl a ʋ yuor a ala ɩ baa sɔw de ʋ wa? Ɩ̃ mɩnɛ ba na mɩ ɩ ɩ̃ sɔw de ʋ a ala ɩ baa wõ a ba ƴɛr a ʋ ƴɛrɩ̃ wa? Ɩ̃ mɩnɛ ba na mɩ lɛ ɩ ɩ̃ wõ a ʋ ƴɛrɩ̃ a ala ɩ a nɩrɛ ma be be hiere wa?

A-na-ɩ a *Kirisi cenʼĩ na a Mowisi ƴɛr-kpɛn na ta nɩ a baarfʋ jie, a mɩnɛ a nɩrɛ lɛ na sɔw de ʋ, ʋ na tʋɔ na tor a Naaŋmɩn jie.