Popular Bible Verses from Galatɩ Sɛbɛ 1

Share

A lɛ bʋɔrɔ na a yel áa nɩbɛ ɩ̃ bʋɔrɔ ba kpiire ma mɩɩ? Kpee! A Naaŋmɩn ɩ̃ bʋɔrɔ ʋ kpiire ma. Ɩ̃ cãa na bʋɔrɔ a nɩbɛ ba pɛwrɛ ma mɩɩ? A maa dãa cãa bʋɔrɔ a nɩbɛ ba pɛwrɛ ma, ɩ̃ kɔ̃ɔ dãa ɩ a Kirisi tʋ̃tʋnɔ wa.

A ala ɩ̃ ɩ nɩrɛ wa wa na a nyɩ sɔ̃w, a ala ɩ̃ saarɩ̃ ɩ a sɩmɩ mɩ̃ɛ ʋ mɩɩ sɩ-tʋnaa na yi a saa juu, ɩ̃ wa ƴɛr nyɩ ƴɛr-kpee ɩ̃ ma ɩ a ala sɩ na ma ƴɛrɛ nyɩ ʋ wa, a Naaŋmɩn pɔfʋ ú nyɔw ʋ!

A sũofʋ nɩ a pɩɛnfʋ na yi a sɩ Sãa Naaŋmɩn nɩ a Nɩ-kpɛ̃ɛ Jeeju-Kirisi jie á be a nyɩ jie. A *Kirisi ʋlɔ de na a ʋ mɩ̃ɛ ƴɔ̃w a kũu pʋɔ na ʋ faa sɩ a sɩ maal-faar pʋɔ a mɩnɛ ʋ na tʋɔ wɩɛ sɩ a daarʼãa yel-kpansɩ pʋɔ, tu nɩ a sɩ Sãa Naaŋmɩn pʋ-tɩɛrʋ̃.