Popular Bible Verses from Ɛfɛɛsɩ Sɛbɛ 6

Share

A-na-ɩ aa ɩ nɩsaa-salba sɩ jɛbɛ nɩ wa, ɩ̃-cɛ a sɩ-kpansɩ na be a saꞌlon, a tʋɔfʋ nɩ a fãgãsɩ, nɩ a bala na tɛrɛ a tẽw naa na be a libe pʋɔ sɩ jɛbɛ nɩ.

Nyɩ́ maala a ala a jaa puoro nɩ a Naaŋmɩn, sʋɔrɔ nɩ ʋ. A daar a jaa nyɩ́ puoro ʋ a mɩnɛ a ʋ Sɩɛ na tɔwrɔ nyɩ, na nyɩ bɔ̃w jʋʋrɔ kɔ̃ gala wa, ɩ̃ mɩ sʋɔrɔ ƴɔnɔ a Naaŋmɩn deme ba jaa.

Nyɩ́ de a Naaŋmɩn jɛb yele a jaa ʋ na kʋ nyɩ tɛrɛ, a mɩnɛ a nyɩ na tʋɔ ɩraa gu a Satã a ʋ kpɩɩlʋ̃ʋ tʋmɔ pʋɔ.

Ala-ɩ̃-sɔ nyɩ́ de a Naaŋmɩn jɛb yele a jaa, a mɩnɛ a nyɩ na tʋɔ bɔ̃w ɩraa gu a san-sʋbɔ a bibi-tuo dayen, ɩ̃ a lɛdaar nyɩ na jɛb a jɛb, ta a baarfʋ daar, a nyɩ na cãa ɩraa cĩcĩ.

A daar a jaa nyɩ́ bɔ̃w nyɔw a nyɩ bõ-piwraa na ɩ a nyɩ ƴɔ̃w-nyãa nyɩ na tʋɔrɔ kpiine nɩ a Fãa Sʋbɔ vũu pime bara. Nyɩ́ sɔw de a faafʋ na ɩ a nyɩ kur sapi, nɩ a Naaŋmɩn ƴɛrɩ̃ na ɩ a ʋ Sɩɛ bãjɩnɛ.

Ala-ɩ̃-sɔ nyɩ́ bɔ̃w ɩraa cĩcĩ. Nyɩ́ de a yel-mɩ̃ɛ ʋ ɩ sɩɛ gan a nyɩ sɛ a sɩɛ pʋɔ, ɩ̃ mɩ de a torfʋ ʋ ɩ a nyã-piwraa, ɩ̃ mɩ ɓĩɓine a su-ɓaar ƴɛr-son ƴɛrfʋ ɩnɛ, a wɔ̃ taa nɩ nafaba nyɩ na su.

A ala na cɛ ɩ na, nyɩ́ bʋɔrɔ a nyɩ fãgã a Nɩ-kpɛ̃ɛ pʋɔ, a-na-ɩ a ʋ kpɛ̃w nyɩrɩ̃ na waa.

A mɩnɛ a Naaŋmɩn Sɛbɛ na yel: “Ƴɔnɔ a fʋ sãa nɩ a fʋ mã”. A naa ɩ̃ ɩ a dãdãw ƴɛr-kpɛ̃w na tɛrɛ a pʋlɩ̃fʋ: “A mɩnɛ a fʋ na tɛrɛ nʋ̃ɔ, mɩ kam ka a tẽw pʋɔ”.

Bibiir, a nyɩ tʋn a Nɩ-kpɛ̃ɛ pʋɔ ɩ na a nyɩ na wono a nyɩ dɔɔrbɔ a toor, a-na-ɩ a lɛ ɩ̃ tor.