Popular Bible Verses from 2 Timote Sɛbɛ 1

Share

A-na-ɩ a Sɩɛ na a Naaŋmɩn na kʋ sɩ, ꞌwaa ɩ dãbɩ̃-sɩɛ wa, ɩ̃ a fãgã, a nʋfʋ, nɩ a mɩ̃ɛ-tɛrɛfʋ Sɩɛ ʋ kʋ sɩ.

A-na-ɩ a Naaŋmɩn faa sɩ na, ɩ̃ mɩ bʋɔl sɩ a sɩ ɩ nɩ-cɛcɛ. Ɩ̃ aa ɩ tʋmɔ sɩ tʋ̃ kʋ ʋ wa, ɩ̃-cɛ a ʋna bʋɔlfʋ yi na a ʋ mɩ̃ɛ pʋ-tɩɛrʋ̃ pʋɔ nɩ a ʋ sũofʋ ʋ na dãa kʋ sɩ a *Jeeju-Kirisi pʋɔ a korĩ-cɛ jaa.

Ala-ɩ̃-sɔ ɩ̃ jawra fʋ, a mɩnɛ ɩ̃ na dãa dɔɔl fʋ a nuu a fʋ pɔw a tʋɔfʋ ʋlɔ a Naaŋmɩn jie, pine ʋ a vũu kaarɩ̃, ʋ ꞌlere.

Ala-ɩ̃-sɔ, taa jɔrɔ vĩ a sɩ Nɩ-kpɛ̃ɛ ƴɛrɩ̃ ƴɛrfʋ ɩnɛ wa, nɩ a maa ɩnɛ na be a kasu pʋɔ a ʋ ɩnɛ wa, ɩ̃ ɛ̃ɛ sɔw de a Naaŋmɩn fãgã a sɩ lãa dɩrɛ taa a tuo a ʋ ƴɛr-son ɩnɛ.

A ala ɩnɛ ɩ̃ mɩ dɩrɛ a tuo a lɛ, ɩ̃-cɛ aa ɩ ma vĩ wa, a-na-ɩ ɩ̃ bɔ̃w na a sʋbɔ ʋlɔ ɩ̃ na barʼɩ̃ a nyãa. Ɩ̃ mɩ sɩrɩ̃ na bɔ̃w ka a ʋ na tʋɔ na gu a ala ʋ na kʋ ma ɩ̃ tɛɛlɛ, wa ta nɩ a ʋ lɛwaa bibir.