Popular Bible Verses from 2 Kɔrɛ̃tɩ Sɛbɛ 4

Share

A-na-ɩ saa ꞌwuoro a ala sɩ na nyɛrɛ nɩ a mimie wa, ɩ̃-cɛ sɩ ꞌwuoro na a ala sɩ na ma tʋɔrɔ nyɛrɛ wa. A yele ala sɩ na nyɛrɛ nɩ a sɩ mimie ma ɩ ƴel-kamɩsɩ wa; ɩ̃ a ala sɩ na ma nyɛrɛ wa be na be a daar a jaa.

Ala-ɩ̃-sɔ sãa bala fɩ̃ɩ wa. A ala saarɩ̃ ɩ a sɩ ɩ̃gan buur sãwna na fɩ̃ɩ fɩ̃ɩ, ɩ̃-cɛ a sɩɛ pʋɔ sɩ ma lɩɛbɛ na ɩrɛ bõ-paalaa a bibie a jaa. A-na-ɩ a won gẽe naa sɩ na pɔwrɔ a ƴɛ̃ƴɛrɩ̃, tʋnɔ na a tʋn a sɩ ɩnɛ, a sɩ na pɔw a na-ƴel-tɩmɛsɩ daadaa na gãw a sɩ bɔ̃wfʋ a jaa.

A won bʋrɔ bʋrɔ ala kpɛɛrɛ sɩ na, ɩ̃ aa tʋɔ sɩ wa. A tɩɛrɩ̃sɩ mɩ nyanyaa sɩ na, ɩ̃-cɛ aa gãw sɩ wa. Ba kpowro sɩ na, ɩ̃-cɛ a Naaŋmɩn ma bar sɩ wa. Ba ŋme sɩ na kpar a tene, ɩ̃-cɛ saa kpi wɛ wa.

A sɩmɩ, sɩ wɔ̃ na taa nɩ a yolo ba na mɛ nɩ a yaaraa, ɩ̃ ƴɔ̃w a Naaŋmɩn na-yele, a na tʋɔ miile áa fãgã kpɛ̃ɛ ʋlɔ na be nɩ sɩ ma ɩ a sɩ ben wa, ɩ̃-cɛ a Naaŋmɩn sɔ.

A bala na ma sɔw de a sɩ ƴɛrɩ̃ wa, a ka a tẽw na pʋɔ naaŋmɩn jɔ̃w ba na bar a tɩɛrɩ̃sɩ pʋɔ, a mɩnɛ a ba kɔ̃ tʋɔ nyɛ a ƴɛr-son cãa na ɩ a *Kirisi cãa kpɛ̃ɛ wa, na ɩ a ʋlɔ na miile a mɩnɛ a Naaŋmɩn na be.

A-na-ɩ a Naaŋmɩn ʋlɔ na dãa yel, áa cãa na caara na a libe pʋɔ, a ʋna Naaŋmɩn naa ɩ̃ mɩ caarɩ̃ a ʋ cãa a sɩ sube pʋʋr, a mɩnɛ a sɩ na tʋɔ nyɛ bɔ̃w a Naaŋmɩn cãa kpɛ̃ɛ ʋlɔ sɩ na nyɛ a Kirisi jie.