Popular Bible Verses from Barua ya Yakobo 1

Share

Vanavama, kwakooya mwawoywa mmireyo ya mikae miingi, fureń nnu mwimanyaa sheeli yelelio̱ lya ikusura lyanu linnde ikuumisa.

Kake kwakooya umwi wanu atuṛa uṛango, atereve Iṛuva aniinga woose na uwoo atakiuṛaa nndu numa, nae aniingwaa.

Iki mukiishi, vanavama vakunde. Kyasia nndu woose ave mwaangu wa iita na mwemeri wa irera na mwemeri wa ituṛuka.

Kake ikuumisa kyawara limarisie mashoṛa ayo, amu mwawutie ishia na isumanika mutarewa numa kya ifi na ifi.

Veń vaṛundi va kirero, manya mutave vaaranya da, amu kuro mukee ikulemba mu veni.

Wwa ngoma nndu asisiriaa mireyoń. Amu kammaa ivinga aniingwa muu utakisiaa uve uvingo lwamwi lua Iṛuva anrekia valya vankundaa.

Kindo kyoose kikee kinuru na kindo kyoose kikee kisongori tubu nkyo kyukaa ule kwa Nde wa langa atawore miilashie ya langa na ya llema.

Amu nndu akee mwita wa kirero atakee na muṛunda nndu wa mikae ii avakani na nndu akulla kisangu kyamwi na kilola. Kammaa ikulla kaenda karekio̱ ree sheeli eekaii.

Uṛundi lusenye lutawore ilomi kisanguń kya Iṛuva Nde llo ilu: Ni isengera vana va ngwera vandefiywa wasuṛi vawo na isengera vaka misiketi ngyukiveń tawo na ikuringa findo fa isanga fikee iṛindisa nrima.

Nndu katevetwa kantana kikasha manya atanumbue: Ni Iṛuva anshiteveta. Amu Iṛuva amakii itevetwa nngyukasha ndi ana ye atevetaa nndu ndi. Kake nndu woose atevetwa na yomulwa ni ilanga lyamwi ye muni.

Kake mwanamae akee ntele akuṅinisie unini lwamwi.