Popular Bible Verses from Embolunoto 3

Share

Ng'orai, aitashe te kutukaji, aoshiosh. Oloning' oltoilo lai nebol kutukaji, nalotu atua ainos endaa te nebo o ninye, o ninye te nebo o nanu.

Ayolo nkitobirat inono, ajo mirobi nimirowua. Oi, ten emut irobi arashu irowua! Kake tiaraki nimololong' ake, mirowua nimirobi, naanotaa iye aitung'ua enkutuk ai.

Ore kulo lanyor, naitame naar; onaa, tonyua niala.

Ayolo nkitobirat inono. Ng'orai, aishoo tʼengomom ino kutukaji nabolo, nemetii oloidim aigeno; amu iata iye enkiti golon, nimbung'a ororei lai neitu imiki engarna ai.

Ologilu, naisho ninye, peton te nebo o nanu tʼolorika lai lʼenkigwena, anaa patigilua nanu naton te nebo o Papa tʼolorika lʼenkigwena lenye.

Amu ijo iye: ara oladupani, ataraposhe tukul namalau toki; kake miyolo, ajo iata enkurruna o leyat, nira aisinani o modooni niminjopo.

Tiaraki nitorripo ororei lʼolng'iria lai, nayeu naarrip si iye te saa enkitasuroto nalotu shumata olmaa pookin, peitasuri loomanya tʼenkop.

Ng'orai, alotu asioki; mbung'a akurraki ina niata, pemea o obo enkaja enkitook ino.

Topiu nintagol nkulie naataa ee. Amu eitu adol nkitobirat inono etabaitie tʼengomom Engai.