Popular Bible Verses from Yakobos 3

Share

Kake ore eng'eno naing'ua shumata, era tʼenkiterata shaat, neitoki aata eseriani, neborr, nelelek ening'oto, nebore enkordunoto o ilmomo sidan, nemeata enyorrakinoto o esungureishu.

Kang'ai ora ng'en o jartan too ndai? Njeitaduaia tʼorregie lenye sidai nkitobirat enyena tʼemborran o enʼgeno.

Ore olmomoi lʼesupato, neisuakini tʼeseriani kulo ooitobir eseriani.

Amu enetii olom o enjangar, ine etii enking'oling'olata o enkyas pookin enkurruna.

Ninye kintadararie Engai Papa, naa ninye kimorie oltung'ani, oitobiraki tʼemua Engai. Nepuku tʼenkutuk nabo enkitadararoto o endiata. Njoo meaku neijia, lalashera lainei.

Neijia si olng'ejep, naa enkima, neitoki enkop nabore mesupato. Neijia etiu olng'ejep tiatua rubat ang', nepik osesen olulung'a ntibil, neinok orregie lang' pookin, teni epuku enkiwuwuoto enye aing'ua ewueji e satan.

Kake meidim oltung'ani aitamoku olng'ejep, entorroni nemegirai, nabore esayet nadua.

Eminjo eyeu oltung'ani pookin too ndai neaku olaiteng'enani, lalashera lainei, niyololo, aajo eigwenakini yook enkigwena nalang'.