Popular Bible Verses from Yakobos 1

Share

Enkena aajo eng'ida nabore, lalashera lainei, ten ibatatakinono atua nkitasurot oo mpukunot kumok, niyololo, aajo eitaa enkirukoto inyi, ten eitoriori, olng'iria.

Ten etii oltung'ani linyi otong'orikia eng'eno, njesai ninye Engai naisho oltung'ani pookin tʼenkumoi nemeisikong'aki, neaku eishori ninye.

Onaa, lalashera lainei lanyor, njeaku oltung'ani pookin losioki ainining'u, lemesioki agoro

Ore olng'iria, meata kata nemebik egol metabaiki enkiting'oto, piakuku lbaiarot oolulung'a lemeng'oriki toki.

Entaa laitobirak lʼororei, me laning'ok ake, pemilejileje aten.

Tesh oltung'ani oting'iria tʼenkitasuroto, amu ore etaa etaleenoki, nelang'amu enkaja empuan naisiliga Olaitoriani kulo loonyor ninye.

Eing'ua enkishooroto pookin sidai o enkishooroto nabaia shumata, edou eing'ua enetii Menye loo nkilang'eta, nemetii enetii ninye enkitaalata arashu oloip lʼenkibelekenyata.

Amu teni era oltung'ani olaning'oni lʼororei nemera olaitobirani, nenyanyukie ninye oltung'ani loing'oraa engomom osesen lenye tʼenking'oret. Ore peidip aing'orai, nelo nerikino nabo kata enetiu.

Ore enkisyayare sidai nemeata eleyata tʼengomom Engai, Papa, era ena: Enking'orare oo lokishin o en oo ngolia tiatua enkilishoto enye, o erripore e kion tʼolmaa, pemeata entibili.

Njoo mejo o obo loitasuri: aaitasur Engai. Amu meitasuri Engai too ntorrok, nemeitasur ninye openy oltung'ani o obo. Eitasuri oltung'ani pookin tʼolng'warra lenye openy, loroju neisis ninye.

Ore olalashe lora oti, njeitadaraa kion tʼenkitook enye