Popular Bible Verses from Ilhebrayoi 11

Share

Era enkirukoto entonai oo nikianyu o esiparoto oo kuna tokitin nimikidol. Te ina einoto iltung'anak le opa enjakenishu.

Amu teni metii enkirukoto, meidimai penyorruni too ngonyek Olaitoriani. Amu ore oloyeu nelo enetii Engai, meata kata nemeiruk, ajo etii ninye neisho kulo ooing'oru ninye, olkwaje.

Tʼenkirukoto kiyolo, aajo ore enkop eitobiraki tʼororei lʼEngai, neitu eaku kuna nikidol tʼentoki nalio.

Tʼenkirukoto etoning'o Abraham peipoti metupuku alo ilo osho otiakaki ajo elajung'u; nepuku alo meyolo enebaia. Tʼenkirukoto etaa ninye olomoni te idya kop naisiligaki anaa me enenye, nemanya atua ilng'oborri te nebo o Isaak o Yakoob, ootaa te nebo o ninye lajung'ok le ina kisiligata

Tʼenkirukoto eitaa Noa Engai kitok, petum ororei lʼEngai too mbaak neitu edoli, neitobir engalawa naaku enkitopuata engaji enye; te ina eigwenaka olmaa neaku olajung'oni lʼesupato naing'ua enkirukoto.

Tʼenkirukoto eitainyeki Henok, pemetum enkea, neitu edoli, amu Engai naitaia ninye; amu ore eton eitu eitaini, neata enjakenishu ajo enyorruni tʼEngai.

Tʼenkirukoto eaka Abel Engai enkidasare kitok nelang' Kain; naa te ina einoto enjakenishu, ajo era supat, tiaraki naijakenuo Engai tʼenkishooroto enye; naa te ina neton eiro o taata, etua.

Tʼenkirukoto etang amua Sara enkidimata nemenai tʼeishoi ina kata etaa moruo netulusoiye larin lenyena, amu eikena aa supat ilo oisiliga.

amu etaanyutua ina ang' naata enkitamanyunoto, amu ore olashetunoni o olaitobirani, naa Engai.

Tʼenkirukoto, pebulu Mose, etanya eipoti ajo enkerai entito e Farao, nenyor ategelu osina te nebo o olorere lʼEngai nelang eng'ida ele maa naing'ua enkitarruoto, neiken ajo era emoroto e Kristos endupoto kitok nelang' masaa sidan e Misri; amu eing'oraiye ninye olkwaje. Tʼenkirukoto etung'aiye ninye Misri nemeure engoro olkarsis, amu eibung'are ilo leitu edol anaa olodolita.

Tʼenkirukoto eidasa Abraham Isaak, peitasuri, neishooio Oinoti lenye obo, eidipa atang'amu nkisiligat

Tʼenkirukoto eitu eimin Rahab, idya naibor onyek, te nebo o kulo leitu eiruk, amu etang'amua lelo aikitalak tʼeseriani.

Tʼenkirukoto eima ninje tʼempolos Olbalbal Odo anaa tʼenkop natoiyo; netem Ilmisrin aajo kinko neijia, nemut ninje engare.

Tʼenkirukoto etuurori isunda e Yeriko, peidip aataman ngolong'i naapishana.

Tʼenkirukoto eibung'a pasaka o idya kisuakinoto osarge, pemeporoo ilo oiminie ilkikaunot, ilkulenye.

Tʼenkirukoto, penyikaki Yosef enkea, nelimu ninye ororei lʼempukunoto oo nkera Israel, neisho enkitanapata tʼolbae loo loik lenyena.

Tʼenkirukoto etamayana Yakoob, pee, nkera pokira are e Yosef, nesai airishakino elukunya eng'udi enye.

Tʼenkirukoto etamayana Isaak Yakoob o Esau too ntokitin naapuonu akenya.