Popular Bible Verses from I. Timoteos 6

Share

Taarai tʼearata sidai enkirukoto, mbung'a empuan oo nkatan pookin nikimpotieki nimbalu enkibalunoto sidai tʼengomom oo ljaken kumok.

Amu era enyorrata oo ngoshola entonata oo ntorrok pookin, neng'war kulekai ena neimalimal neing'ua enkirukoto nepej aten too mioitin kumok.

Kake era emokunoto Engai o engiraishu oo naatai, engong'u sapuk endupoto

amu eitu kiau toki atua olmaa, eibala, ajo mikindim aaea toki.

Ntanapa ladupak lootii atua ele maa, pemewuasa, pemeiruk masaa naaibelibel, kake Engai naishiu, naitarasaki yook pookin tʼenkumoi, pekisotu tʼeng'ida

Ore kulo looyeu neaku ladupak, neurokino atua enkitasuroto o erreshet o ilng'warraitin kumok lʼemodaishu o looata enkitameito looitadoiki iltung'anak atua erruoroto o enkiminata.

peitobir ninje sidan, netum endupai oo nkitobirat sidan, neishooio tʼeng'ida, neretisho, neiturrur aten masaa naaku entonata sidai e idya nalotu, neibung' empuan nasipa.