Popular Bible Verses from I. Ilkorintioi 6

Share

Anai miyololo, aajo era osesen linyi engaji Olmumua Sinyati otii atua ndai, linoto tʼEngai nimirara kul inyi oopeny? Amu einyang'uaki ndai tʼenkinyang'a nagol. Onaa entadarai Engai tʼosesen linyi o tʼolmumua linyi oora lʼEngai.

Amaa miyololo, aajo mejung'u iltorrok enkarsishu Engai? Emilej aten. Mepuo aajung'u looas mbaak torrok oo nkiri o looisyayaki nkulie ain o looar enkidikidikoto olmoruo o eng'oroyoni o lʼenjalan torrono o looisokorisho o lapurrok o lang'warrak o lamerak o lamorok o laisimak enkarsishu Engai.

Enkwet mbaak torrok oo nkiri! Etii enkitarruoto pookin naitobir oltung'ani, oriong' osesen, kake oloitobir mbaak torrok oo nkiri, neitarruoki osesen lenye openy.

Aidimakino pookin, kake meitoriori pookin; aidimakino pookin, kake mayeu naaen o nyoo.

Eitopiwuo Engai Olaitoriani nelaitopiu si yook tʼengolon enye.