Nndumi Iruva mmbo shakuvaanga shaamba, “Kirishony kyakwa ni Yewe,
Nyewe waavi lwakwa urukeny lwa yewo vakee na muu.

Shaauwa efo kifingyony, shiwoni mwaanya wa ikwaana
Yew ova usumanu mmbo vasheshiringityaa,
Elyi Yewe kusheshitannyaa kya isarya.”

Kyeeri shilefwa nrima mmbo kulemanya kyakwa,
Neefo shieny yakwa vakashivikya-fo misoori.

Mmbo nshoonisaa unyanga shifuuye Nndumi Iruva;
Shoonise unyanga shetereve Nndumi Iruva.

Kushaarannye kiiyo kyakwa,
Mashika elyi shallyilyiswa nnu.
Shaawa yewo vakeshiruuya,
Mashika wo vatiri finya ngota yeny.

Popular Bible Verses from SABURI 142

Free Reading Plans and Devotionals related to SABURI 142