Kulasheyaamba “Nkuti shitaiye ukasha shiletanywa.”
Kusirye Nndumi nawe akutaramaa.

Nndumi mmbwe atetera myeengye yeru,
Nndu wa vandu ashiidimaa inda imanya shia ashiiraa?

Nrima va nndu ni taa ya Nndumi Iruva,
Mmbo aweesaa kalollya paa vo kindo kiifo.

Makusaro a nndu mmbo akusurumyi sha uroo lwa mura,
Indi nndu ntele eeshi iuraa.

Nndu wa urere nnatiraa kyama-fo,
Kweekyo kwiise na nndu mwirera ree.

Nkindo kya itumbe iiyama mwaandu;
Varung'ani mmbo vasakkyaa.

Nndu nsumanu kakaa kwa woorotu
Vana vakwe ashevara-u mmbo vawikywa mbora.

Popular Bible Verses from FYAASO 20

Free Reading Plans and Devotionals related to FYAASO 20