Popular Bible Verses from NEHEMIA 9

Share

Kyeendi vakuu veru vakalyang'aa vakalema yiirikya mavavaso, nta mmbalekikumbwa ngyende tilya valeorwa-fo, vakoomisa ngoo tawo, vakakunda iwuya ushingeny, vakavika mwiivasongoya, Kyeendi yewe Iruva weeru mmbo kukee mwiilyillya, muni isarya-dwa, nta kulakunde ivara.

Esra kaamba, Nndumi Iruva ni yewe kumuni, nnyewe kuumbye iruveeu na ngina ya vayo, na ironda lya vayo lyoose, ulana sanda na fyoose fiifoo, yeeve na nsemu wa vayo, neewe kwatetera efyo fyoose, Na ironda elyo lya iruveeny lyikakwiitikisa yewe kyeeri kyoose.

Neewe kyeendo niisarya lyafo nkulevara kulya kasa-fo, nalyo ngo ya ifishi nnyilenka mbee yaawo-fo, nta ngo ya muro-fo fikavatetere shieny yawo. Kwavasimba mumuyo wafo navaranguse, na shoonga ilya ya mana na mura weena. Ni dede ando a myaaka makumi aana mmbo kulevalela kulya kasa, valature kindo, nta soori tawo ntilekkwa-fo, nta marende awo alafumbiswa nkyaaro.