Popular Bible Verses from VALETI 7

Share

Nndumi Iruva kavia Gidion, “Vandu yeva vafo mmbo vakee veengyi nnu ivika Vamidian maakony awo, mashika numa mmbo vasheammbaa ni elyi veekee veengyi, Israeli vakushobe nakyo.

Naasa Nndumi Iruva kavia Gidion, “Vandu yeva mayana araru valekommba mura sha fite mmbo nshemukiraa yeni shivike Vamidian maakony any. Lyo vandu yewo vengyi woose veende kyeny.”

Naasa enda kwandevia vandu yeva woose, Nndu moose yeto atirwa mmbweerei nawuye na kyeny, nooke ya Gileadi.” Naasa vandu fiku makumi avii na fivii vakawuya, vakasaa-u vandu fiku ikumi.

Nndumi Iruva kasheviase Gidion, “Naako ni yewo vasaa-u mmbeengyi nnu. Veende vashena mura, nsheveesya yoo mureny. Na yeto nshekuviaa yeu neende neewe, mmbwe asheendaa neewe. Na yeto nshekuvia yeu nnyasheendaa neewefo, nawe nnyasheendaa-fo.”

Naasa Gidion keende vandu mureny. Nndumi Iruva kavia Gidion, “Nndu yeto ashekommbaa sha kite, mmbike mmbai, neeto ashefiirya ndi ina mura kummbike mmbai.” Vandu valekommba mura mmayana araru, lyo yewo vengyi woose mmbo valefiirya ndi vakanany.