Popular Bible Verses from ISAYA 9

Share

Mashika kweru mwana ammbonika, ammbonika mwana wa vomi, na umangyi mmbo llukee meeveny akwe na irina lyakwe ashevaangwa, “Mangyi wa marikiso Iruva Atiri Finya! Nnde wa llung'anu! Mangyi ya Urilalyi!”

Vandu valya veeke yeenda yefo ireeminy lying'ani, vallollya sa ing'ani; valya veeke yefo urukeny lwa ireema lya makimima vamikywa ni sa.

Kya umangyi na ushilyi lwakwe ni fya llung'anu filatiri umando, mmbwe asheshillya ando a mangyi Davidi mmbwe asheuvambisaa na iusaleesa fika llung'anu. Efyo mmbo fitanwaa ni Nndumi Iruva wa matorito.

Fyaaru fya veekapana, na soori tawo tifwani samu mmbo tishemamitwa sha ngwi tayaata muro.

Indi uruka elo mmbo lwenkaa ukyiveny na mavavywa ando a kyeeri kyaasha; lyo nlushekaa indo fyeeri fyoose-fo. Kyeeri kya Sabulon na kyeeri kya Naftali uruka elo mmbo lweeke lwiipale, indi numa kashewoora itumbe lyakwe taari ya ngama kwakulya ya Yordan naakwa ni kulya Galilaya urukeny lwa vandu va masanga moose.

Vandu vawo vammengereka, na ifura lyawo lyikaengereka; vakafura mbee ya usangu lwafo, sha kyeeri kya maulullyony a fimu, sha ifura lya vandu vashaava mifungwa.

Mashika kwanvaporomwa yooka ilya yeevarovye na ngova tilya veekekapwa nato meeveny awo. Valya veekevawonnya kwavatuula sha valya va kyeeri kya Vaamedi.