Popular Bible Verses from ISAYA 65

Na mmbo kivaa sheelyi kulaore vantereva mmbo shirouwaa; na kulare vanrera, mmbo nshitaa.

Mashika lola, yeny mmbo shikeeyuumba ngina shiiya na uruka wiiya, na mbony ta kasha tilakumbuwaa lyingi, nta ntishangaa nriminy-fo.

Mmbakuvinisaa na mashora ruu-fo, nta mmbashiraa vana na mavina-fo; kimaruma wo ni ufyari lwa yewo vakevavikye mbora ni Nndumi Iruva, na vana vawo ando amwi nawo.

Mmbatanaa nakaye-fo nndu ungyi nnang'ani ya vayo-fo, mmbashevakyaa na ungyi alye-fo mashika shaasa mikonu ya nri ifye ni indo mikonu ya vandu vakwa ivaa, na vasauwe vakwa vafuryaa mashora a maako awo mikonu miingyi.

Nkukaa-fo mwana wa mikonu myaangu-fo, nta mmiku nalemaaye mikonu yakwe-fo; mashika mwana mmbo afwaa atiri myaaka iyana, indi nndu llyamari atiri myaaka iyana, mmbo adengwaa.

Kite kya ngoroshony na yoonri mmbo filyaa ando amwi, na miiso mmbo illyaa mare sha ng'umbe, na kiluulyi mmbo kivaa shoonga ya shoka. Mmbatanaa kikasha nta ilyamara efo ifumbuny lyakwa yeele lyoose-fo, ni Nndumi Iruva aamba.

Na yeny shive na ifura na Yerusalemu, shifuryaa vandu vakwa, unyanga lwa kiiyo llushiitiwa nnang'ani ya vayo lyingyi-fo, nta unyanga lwa kyoorongye-fo.