Popular Bible Verses from ESEKIELI 34

Share

Neeny shisheruuya yewo varekkye, shisheviira valya vakeeranga-ranga yefo, shishevavara yewo vakee vafishefishe, shishevaniinga finya yewo valwee, neewo vavanndye na yewo vatiri finya, shishewootya uvingo.

Ngata ya mwiisi akeruuya moonri akwe, ekee yefo nnang'ani a moonri alya anyanyakkye, niindo shisheruuya moonri akwa, yefo koose shikooya anyanyakye kyeeri kya mafishi a ireema.

Yee; mashika Nndumi Iruva mmbo aamba indi; Lola yeny shimuni, yee, yeny mmbo shiruuya moonri akwa shiavavare shimuni.

Yeny mmbo shisheesa moonri akwa shimuni, neeny shishevaallya ando kusha kweelala, ni Nndumi Iruva aamba.

Neeni, moonri akwa, moonri a ureny lwakwa ni vandu wakwa na yeny ni Iruva waany, ni Nndumi Iruva aamba.”

“Yewe mwana wa nndu, niingya ukisuku kwa veesi va Israeli, kuniingye ukyisuku kuvavie, yee, kuvie veesi yewo, sheelyi Nndumi Iruva aamba; Woshiny llwa veesi va Israeli, yewo vakeelya veni, A nshi kyikwaani veesi veese moonri?