Popular Bible Verses from ESEKIELI 1

Share

Llya sheepoo miso shalollya uraato uniini luuka na taari ya ndoo. Nnang'ani ya ifishi yelyo shalollya-fo findo fiifo na muu fivakye vandu. Wo umwi etiri fisangu fiinya wo umwi etiri maru aana. Marende awo yorokye, atiri mbungashu sha ta ngashe. Nato timikaa sha arera ikee shisanngye. Veetiri maako avakye a vandu, kwasi ya maru alya aana na fyoose fiina fyeetiri fisangu na maruu a vayo indi; maru a vayo ekupaanye wo lyimwi na lyingyi; fikeenda mbe na woorotu kulaore fyaaluka fiisheenda.

Vakatira fisangu fiina kilasha wo umwi. Taari ya mbee, ikatira kisangu kya nndu wo umwi, woko usha kisangu kya miiso wo umwi, woko umuso kisangu kya ngoleta wo umi, na taari ya numa kukava-fo kisangu kya ngoru wo umi. Ni indo fisangu fyawo fyekai. Na maru a vayo elambarywa efo uwe. Maru avii a wo kimwi, akoorowa akakupaana, na alya avii engyi akasikkya yuumba.