Popular Bible Verses from MWIILOSHA 2

Share

Iruva mmbo asimba nndu yeto ansennya, indi mmbo aniinga nndu llyamari mashora a yuuluula na yuumbya, nalyo yeni, Iruva kaniingya ulya amwiindyaa, na efyo fyoose, ni kyimwi sha nndu akeerishisa uraato.

Nkwiifo kindo kyimwi kisha, kwa mwana wa nndu, kuuta ilya neena, neefura, kya mashora akwe-fo. Neekyo, mmbo kyuukye kwa Iruva. Mashika kulammbesywa ni Iruva, nkwi kushuuta efyo fyeelya, fyeena, na fyekushela?

Kyeeri shekeekusara kya filya fyoose sherunda na maako akwa na shilevinnya-u shirundaa mashora yoo, numa shashekooya ate filya fyoose shilerunda na maako akwa mmbo shilekwaatara ni kyimwi sha nndu akeerishisa uraato, nkweeiyo mbusha imwi kwasi ya ngina-fo.

Kilya kyoose miso akwa alelanga shakiwonisa, na nrima wakwa shauniinga wo kindo wakunda.

Naasa shalollya, “Urango ni kyeni ngota urung'ani, kiwo sa ni mmwasi ya ireema.

Vandu varango mmbo valollye kundo vakeyeenda nafo lyo nrung'ani alollye-fo.” Numa shalollya filya fikooya nrung'ani mfyo fyeni fikeeshikooya na ulya atiri urango.

Mashika kyeeri kyingyi nndu mmbo kushiidimaa irunda kwa urango na makusaro meengyi, fyoose kushereeya nndu naleeshi ngata kulefirunndya. Yoo mmariiso na ulyamari uniini.