Popular Bible Verses from DANIELI 3

Share

Shadraki, Meshaki na Abedneko vakavia mangyi, “Yee Mangyi nndumi, llutiri kyimaruma ikurouwa yewe kya mbony yei-fo. Kwakooya Iruva yeu lunndunndyaa ashidimaa ilukira efo murony yeto neefo finyiny yafo, ankye ra lulole-te Mangyi, we ashelukiraa. lyo naakwa ara nalatana indo lyo manya yese llushidimaa yiinndya iruva lyafo nta ifiirya-ndi ifwanu elyo lyafo-fo Mangyi nndumi mmbe.”

“A mmbo kyava inda ulaalu elyi shilollye vandu vaana vakeekurwa-rwa efo nnang'ani murony? Nta mmbakikee vafinge-fo, nta mmborye ivaviswa ni kindo-fo. Na wa kaana avakye nsu wa maruva.”

Naasa mangyi Nebukadnesa kaamba, “Naarafumwa Iruva wa Shadraki, Meshaki na Abedneko! Mmbwe aleruma nsu wakwe nashekira varundi eva vakwe vankusirye. Llya valelema ilatya ivavasyo lyakwa mmbo valekaa nrengeny ngota elyi veefiryaandi veendye iruva lyakwa vare Iruva waawo.

Ulaalu mmbo shaamba paa, nndu moose wa kundo koose, ao fwana ao kishomu karera kikasha kya Iruva wa Shadraki, Meshaki na Abedneko mmbo arumbuwaa ilungo lyimwi lyimwi na mmba yakwe imamitwa deny. Nkwiifo iruva ungyi ashidimaa ikira sha yeto waawo-fo.”