Popular Bible Verses from 2 VAMANGYI 5

Share

Naasa Naamani nniini wa itorito lya mangyi ya Shamu, eke nndu nniini usanguny lwa nndumi wakwe, eke nndu ashindywa kimaruma kya wiidimi Nndumi Iruva eniingye Vaashami ivinga, na mmbo ekee nndu nsha wa fira avikywa nsia; indi mmbo etirwa ni ivave.

Nawe Elisha kanrumya nndu, kammbia, Enda kundekusangya kulya Yordan, kooloke-fo ka-mfungare, na yewe kushevaa nsha na mwiili wafo ushemamya deny.

Llyo olooka-fo ka-mfungare ndesa evyo ni nndu ulya wa Iruva, na nyama ta mwiili wakwe tikamamya tikavaka nyama ta mwiili wa mwana n-du, kashia deny.

Indi Naamani kakunyaffwa, kaamba, mmbo sheevikye nsia sheelyi mmbo ashaa kwakwa nashipaani na ishiterevya kwa irina lya Nndumi Iruva wakwe nashiishiise ndwari yakwa yeyi ishitiri.

Mashinga valya vakwe vakamooshora vakammbia, Nde-yakwa, kukooye nkisuku ulya akuvia itana kindo kiniini mmwasi mmbo kwelemaa ndesa? Nshi kyasenya mmwasi, elyi akuvia enda kusangye na yewe kushie?

Kavia kyekuye, kyeva ngoma yakwe kukooye eishivana na nkisuku ulya kulya Samaria we mmbwe eshiidimaa inshiisa.