Popular Bible Verses from Usukuyony 3

Share

Lola-te, ekakau shisalalyi yoo mwaangony shyuukapa-kapaa; kwakooya nndu aita unyanga lwakwa kashiruya mwaango, mmbo nshangaa kwakwe shilye nawe shoonga, nawe nalye na yeny.

Shiishi mashora afo sheelyi nkukee mbeo nta muro-fo, kyevaa kyeni kukooye kwevaa mbeo ao muro. Kyasiany, kimmba kutiri ngukumu, kulakee nta mbeo nta muro, mmbo shikumishaa kuuke kaniny kakwa.

Woose yewo shivakundye mmbo shavakyeemya na ivakapa; naasany marukya kukurye.

Lola, mmbo shakoora mwaango ukee murwe mbee yafo, nato kulaifo aidima iuraya, mashika ukeemwikare, na yewe mmbo kulelatya irero lyakwa, nta nkulemina irina lyakwa-fo.

Yeto mwivinga mmbo nshenningaa mwaanya wekaa na yeny kitiminy kyakwa kya itumbe, shaasa na yeny shilevinga shakaa na Ndeakwa kitiminy kyakwe kya itumbe.

Mashika mmbo kukeyaamba, yeny mmbo shikee isimba, mmbo shankuvika isimba, nkwiifo nta kindo kishitinyi-fo, na yewe nta nkwiishi sheelyi kukee nkiva, kwavetirwa nnyinyira, na nkiva na mfu miso na mbereto.

Mashika elyi kulekutira na irero lya usisiryo lwakwa, na yeny mmbo nshekuringaa, kukye fyeeri efi fya yeeswa yefyo fisheyaa ulana loose, nafyo mmbo fisheesaa yewo woose vakee urukeny.

Mmbo nkeesha uviny. Tira ekyo kutiri tapu, naambo kulave nndu akusoka ureto lwafo.

Lala shoovi, kuvangyise yefyo fisaaye-fo fikee kufii ifwa. Mashika nshilelollya mashora afo asongovye mbee ya Iruva wakwa-fo.