Popular Bible Verses from Abaroma 12

Share

Muleke kwekoma aha migilire y'ensi egi. Muhinduke, muhindure ebitekelezo byanyu buhya, mwije mumanye kabutekire ebyo Ruhanga ayenda, mumanye ekili kirungi, ekishemeire mara ekigorogokire.

Aha rw'ekyo barumuna bange, nimbatagiliza mbataireho obuganyizi bwa Ruhanga, muhonge emibili yanyu ebe kitambo ekilikurora, ekitakatifu mara ekilikushemelera Ruhanga. Oku nikwo kumufukamira kwanyu okw'amazima okwo muragiirwe kumuha.

Mushanduke aha rw'eshubi yomwinayo, omu matangwa mwegumisilize, kandi mushome enshara obutosha.

Omutima gubi gutakukiza mani; omutima gubi ogusingise omutima gurungi.

Mugonzangane engonzi ez'oburumuna; mukirangane omu kukunirangana.

Engonzi ziruge aha mutima. Munobe ebibi, mwekwate ebirungi.

Kakilikushoboka, inywesi okwo murabona, muture kurungi n'abantu bona.

Abagonzibwa, mutalyehoora; ebyo mubilekere Ruhanga, aha rw'okuba kikahandikwa kiti, “Okwehoora kuba kwange, n'inye ndibamalira, alikugamba Mukama.

Ekihika kyanyu kitashuba nyuma; mubengeye omu mwoyo, kandi mukolere Omukama.

Aha rw'ekisha ekyo nagiliirwe, buli omoi omuli inywe nimuragira aleke kwetungika kushaaga okwo ali, ekiliho ayelebe n'obwegendeleza, buli omoi kuhondera amani g'okwikiliza okwo Ruhanga yamutungire.

Mutalyehoroza, shana muhige ekilikushemelera abantu bona.

Mugire obuchulezi omu muturanwa; mutetungika, ekiliho mwikare n'abantu ab'ahansi. Mutalyebona magezi.

Leka! K'omubisha wawe araba aina enjara, omuhe ak'okulya; k'araba aina eiliho, omuhe ak'okunywa. Omu kugir'otyo oraba nomukwasa enshoni zingi muno.”

Ababagingiiza mubagambege; mubahe omugisha, mutabaraama. Abalikushanduuka mushanduuke nabo, abalikulira mulire nabo.

Abakirisito bataahi banyu mubachangire ebyo balikwetaga, kandi munyegeze abagenzi.

Nk'okwo omu mubili gumoi twinamu engingo zingi, mara engingo zona tizilikukora mulimo gumoi, kityo naichwe n'orwo tuli bangi, tuli mubili gumoi omuli Kirisito, kandi buli omoi rugingo rwa mutahiwe.