Popular Bible Verses from Wafilipi 3

Share

Mbeka wandugu zangu, si nghwiwona nha vyono nakondya kucituga i cipegwa cico, ninga nghwituma nghani monga du, nghuzisemwa zono zakondya kupuluta, nghuhidimbalila za kumwande. Holeka nili mu lumangho nanjile ku wulunji wangu ho nicituje i cipegwa cicilya cono lo lucemo lo Mulungu so mikalile ya kucanyha mu nzila ya Kilisito Yesu.

Nane cono nghuhila, ho nimumanye u mwene Kilisito, kanyhi nivimanye ne vilungo vyo wuzuce wakwe, no kuhanga i magayo gakwe, no kwihwana nayo, nghwitumbila vyono nane nhavivyo nolozukulwa muli wafu.

Heya, hamba si nhavivyo du, ninga nghawona vyono vyose wo wambuce wa bwete, ku so wuswanu wo wumumanya Kilisito Yesu u Mutwa wangu. Hambi nha ku so mwene, ane navumila kugaleka gose, nane nghagawona gago gose nha takataka, ho nimutuje Kilisito

Ninga muli zizo zose zono nali kwihwesa vyono zo ze cambuzi, nghaziwona vyono kumbe wambuce du, ku soko ya Kilisito.