Popular Bible Verses from Walawi 26

Share

Nowa nili hamonga nanye. Nane nowa Mulungu wenyu, nanye mowa wanhu wangu.

Nane nomutonyezezenyi mvula mwi'daha lyono likwiliye, i mibici ho yilele mana, ne yisi nayo yilele nhwanga mbaha.

“Hono muwukamise wulajilize wangu no kwibata malajilizo gangu.

“Nane nomupelenyi mulamu mu yisi yenyu. Nanye mowa kugona mupolile, musina kanyhi mono komogofyenyi yaye. Nane noziwinga zinimu zose zono zina mbali ziwuce mu'si, kanyhi mowa musina wulugu wo wose mumo.

Nane nomulugutizenyi, kanyhi nomupelenyi wana wenji. Nane nocikamisa cilagane cangu cono nalagana nanye.

Ane, no Muwaha Mulungu, u Mulungu wenyu, yo nene mono namuwusenyi mu yisi ya Misili, ho mulece kuwa wawanda kanyhi. Nghavibenanjiza vilungo vyono vyali vimwibatenyi. Nghamunozenyi mujende mugoloka.”

Nane nowa hamonga nanye mwi Hema lyangu lyono lyelile, kanyhi hamba si nolomulecenyi yaye.

Muwaha Mulungu yakatya, “Mulece kwinozeza vihwani vye milungu yo wulambi, hamba mulece kwiyinulila cihwani ciseswe, hamba lisumbili lye libwe, hamba mabwe makakate, ho mugahembe. Ane yo nene Muwaha Mulungu wenyu.

Sunga ne nhwanga yenyu yowa mbaha yono yosuma kulimuka sunga ku mwaka. Hamba nhavivyo, si mosuma kuyimala yaye, langa mowa kuwumwaga wuhemba wuhuma, ho mutuje cilejeho mu madongha go kutajila wuhemba wupya.

Ne wanhu wahano du muli nyenye, wosuma kuwasumiza wanhu yigana, ne wanhu yigana limonga, wosuma kuwasumiza wanhu elufu yikumi.

Ne nhwanga yenyu yokonjelezeka muno, nayo yomunozenyi mujendelele kududula du sunga na mu mapango go kuhepela zabibu. Nanye mowa mukali mujendeleye kuhepa zabibu, sunga na mwidaha lyono lyowa lyo kupanha no kuhadika wuhemba. Nanye movituga vyose vyono mukuvisaka ku wulye, kanyhi mokwikala mupolile mu yisi yenyu.

Nanye mowasumiza walugu wenyu wose.

Holeka muzikamisaje zi sikukuu ze cidini. Kanyhi muhapelaje cogopo i hanhu hono mukuhembela 'ne. Ane yo nene Muwaha Mulungu.