Popular Bible Verses from Yoshuwa 1

Share

Wukumbucile vyono, yo nene nakulajiliza wuwe ne vilungo ne nhumbula yo wutung'ati. Holeka wulece kogopa hamba kukatala, hambi ane no Muwaha, Mulungu wako, nha nowa hamonga nagwe ko kose kono kowa kubita.”

Wulanjilile, citabu cici co wulajilize ceze kusomwa nhondo zose mu wuhembi wenyu. Kanyhi weze kwilanjiza za mumo ku misi na ku cilo, no kwituma zose nha vyono zandicigwe mumo. Nagwe ho komoteswa muno, mu zinzila zako zose.

Holeka weze ne vilungo, no wuhidimbazi muno. Kanyhi wulanjilile, witume zose zo wulajilize, nha vyono Musa u mwitumami wangu yakulajiliza. Hamba wulece kuyibedegala nghani yoyose ya mwilajilizo lilyo, holeka nagwe kotuga wumoteswe ko kose kono kowa kubita.

Kanyhi Yoshuwa, wumanye vyono kowa kusina hamba yunji wo wose mono kokusuma, sunga ko ku ndumo yo wikale wako. Nowa hamonga nagwe nha vyono nali nili hamonga na Musa. Nowa hamonga nagwe mu vilo vyose, hamba si nokuleka yaye.

Holeka weze ne vilungo ne nhumbula yo wutung'ati, hambi nha yo gwegwe mono kowalongoza wanhu wawa, sunga wakayiteme yisi yiyo yono nelahiza vyono nowapela i walezi wawo.

Nha vyono namulonjela Musa. Nakondya kumupenyi, gwegwe ne wanhu wangu yisi yiyo yose, sunga ne hanhu hose hono mowa kuyikanyaga ne zinzayo zenyu.

Yakamutya, “U mwitumami wangu Musa nha yafwiza. Alu wiwikanizaje gwegwe hamonga ne wanhu Waisilayeli, ho mulowoce likolongo lya Yoludani, mwinjile mu yisi yono nghuwapela i Waisilayeli.

Ale, lono Musa u mwitumami wo Muwaha Mulungu yaza kuwa yafwiza, u Muwaha Mulungu yakamulonjela Yoshuwa u mwana wa Nuni u mutazi wa Musa.

Ne mipaka yenyu, yowa yilawiliye ku nyika ya ku lubavu lwa kutakama, sunga mu matunda ga ku Lebanoni, go lubavu lwa kusumuka. Kanyhi ku wulawilila kwi'kolongo liwaha lya Efulata lya ku mhelo ye cilima, no kukolela mu yisi yose ye Wahiti, sunga ko kwi'lenga lya Meditelaneya lye mhelo ya kumwezi, baho u mupaka wenyu ho wokanga.

No munhu wo wose mono kobena wulajilize wako, na mono sikovumila malajilizo gako, yuyo yimunojeye yawulagwe. Weze ne vilungo du, ne nhumbula yo wutung'ati.”

wayikolele nghambi yose, wawalonjele wanhu wose wawe kutya, “Ale mwiwikanizizaje zindigwa, ku soko mu vilo vidatu vyono vikutyatya, mowa no muhinzo wo kulilowoka likolongo lya Yoludani, ho mwinjile no kuyitema yisi yono Muwaha Mulungu, u Mulungu wenyu, yakumupelenyi.”