Popular Bible Verses from Walamuzi 6

Share

Lo lulo lulo Malayika wo Muwaha Mulungu yakamulawila baho, yakamutya, “U Muwaha Mulungu yali hamonga nagwe, 'gwe go citung'ati.”

Muwaha Mulungu yakamulonjela Gideyoni yakatya, “Ale wubite ne vilungo vivyo, nagwe kowaponya Waisilayeli mu miwoko ye Wamidiyani. Hambi nha ye nene mono nghukutuma.”

Muwaha Mulungu yakamupitula yakamutya, “Kosuma kwituma zizi du, hambi ane nha nowa hamonga nagwe. Nagwe kowahoma wa Midiyani musunho kotya nha wukwihoma na munhu monga du.”

Gideyoni yakamutya “Gwe go muwaha wangu, hone yiwe mbeka Muwaha Mulungu yali hamonga na sese, alu nhawule zose azi zikucijelela nhavivi? Alu ne mezino gakwe gose gali hayi, gono walezi wetu wacilonjela zono Muwaha Mulungu yetuma, na vyono yawawusa ku yisi ye Misili? Alu lanje! Muwaha Mulungu yacileka, kanyhi yacinjiza mu miwoko ye Wamidiyani.”

Gideyoni yakapitula yakatya, “Alu Muwaha Mulungu, nosuma wule kuwaponya Waisilayeli? Mhuga yangu yo mhuga yono yisoceye mu mulango wa Manase, kanyhi nane yo nene mudodo mu kaya mwa baba.”

Hobaho Malayika wo Muwaha Mulungu, yakaza ha citumbi ca Ofila yakekala hasi yo mubici wo munghola, wono wali wa Yowashi, mono yali yo wo mulango wa Abiyezeli. U mwanagwe Gideyoni yali yehundice yatwangaga maso go wuhemba mwi'tuli lyo kuminyila divayi, Wamidiyani ho walece kumuwona.

Hobaho Gideyoni yakamuzenjela cikumbicilo Muwaha Mulungu baho, yakacicemela yitagwa, “Muwaha Mulungu wo Mulamu.” Ne cikumbicilo cico cili kuko ku Ofila ye Waabiyezeli.

Gideyoni yakamupitula Muwaha Mulungu yakatya, “Hono wuwe wendezwe na nene, ale wundajilaje citanjilo, hono mbeka agwe yo gwegwe Muwaha Mulungu.

Ninga Muwaha Mulungu yakamutya, “Weze no mulamu. Kanyhi wulece kogopa, sikofwa yaye.”

Kanyhi Waisilayeli waketuma wubi hali Muwaha Mulungu. Baho yakawaleka wakatemwa ne wanhu wa Midiyani myaka mupunghati.