Popular Bible Verses from Walamuzi 16

Share

Hanyuma yakamucema kwe 'zi yiwaha yakatya, “Gwe Samusoni! Wafilisiti walawila!” Samusoni yakenuka mu nhongo, akuno yakwihwesa nha vyono nokwinuka viswanu, nowa sina vimizi nhe vilo vyose. Siyamanya nha vyono Muwaha Mulungu kakondya kumuleka.

Hanyuma Samusoni yakalomba yakutya, “Gwe go Muwaha Mulungu go Muwaha Mulungu we Mihanga, nghukulomba wunghumbucile lu, Nghulomba Mulungu wungomolele vilungo vyangu kanyhi, soko kamonga du, Mulungu wangu, ho niwawulaje Wafilisiti wawa. Nilipicize so meso gangu mejete gono wanghopozola.”

Nhondo yakawa kumulonjela ze mbeka, yakamutya, “Gwe Delila, zimvwili zangu 'ne zikali nanyonyolwa wulawa wulelwe wangu. Hambi 'ne, nha nili musiwanulwa wo Mulungu, nili Munazili wulawilila wulelwe wangu. Hono zimvwili zangu zinyonyolwe, hodu nane nowa sina vilungo, nowa nhe wanhu wanji wose.”

Yakajendelela kumuwuza-wuza nhondo zose. Sunga nhondo Samusoni yakakatazwa muno mu nhumbula yakwe, kotya nha yakufwa, hambi Delila nha yali yamutimvya muno.

Samusoni yakazoza yakatya, “Leka ta cifwizane hamonga ne Wafilisiti!” Yakenama yakagakundujiza kwe vilungo vyakwe vyose nyumba yikawagwila wawaha ne wanhu wose wono wali wali mumo. Samusoni mwi'zuwa lilyo yawawulaga wanhu wenji muno kuciza wono yawawulaga lono yali yakali mumi.