Popular Bible Verses from Mwamulizo 50

Share

Manyile vyono anye mwali mwamumbila wuhile wubi, ninga wuhile wo Mulungu, wukawa wuswanu ho wanhu wenji wawumipe, nha vyono nanye mukuwona izuwali.

Ninga mwene Yusufu yakawatya, “Nye wandugu zangu, mulece kogopa! Ane si nosuma kwiwika niwe nha nili Mulungu.

Holeka dedede, mulece kogopa. Ane nomulisenyi du hamonga ne wana wenyu.” Na mu nzila yiyo, Yusufu yakawawusiza mahwele gawo, yakawasindamika.

‘Mumulonjelaje Yusufu vyono nghumunena yawanenele wanduguze masutya gawo hamonga no wubi wono wamutendela, hambi mbeka, nha wamutendela vibi muno muno.’ Alu ase co wetumami wo Mulungu wo sogo, cikukunena wucinenelaje wubi wose wono cakutendela.” Nayo Yusufu yali yeza kuzihulika zizo, hodu yakawa kwangula cililo, yakalila muno muno.

Yusufu yakawalonjela wanduguze yakawatya, “Nye wandugu zangu, ane lu, neza nili behi no kufwa. Ninga Mulungu komuzizenyi no kumuwusenyi mu yisi yiyi ya Misili, yamutegulenyi ku yisi yono yawehuwiza Abulahamu na Isaka na Yakobo.”

Hanyuma Yusufu yakawa kuwelahiza wana wa Isilayeli yakutya, “Ale, Mulungu yalawa yeza kumukumbucilenyi no kumukombozenyi, nhondo muze muwusoleleze no muwili wangu, mulece kuwuleka ku kuno.”

Nayo Yusufu yakawa kufwila kuko ku Misili, yena myaka yigana limonga ne kumi. Nawo wanduguze, wakawubaka miti muwili wa Yusufu ho wulece kuwola, wakawa kuwuwika mwi'sanduku.