Popular Bible Verses from Mwamulizo 32

Share

Nayo munhu yuyo yakamutya, “Alu ku wulawilila lulu, sikocemwa kanyhi Yakobo, langa kocemwa Isilayeli. Hambi nha kwicinda no Mulungu ne wanhu, nagwe kusuma.”

Ale, baho, u munhu yuyo yakamulonjela Yakobo yakatya, “Gwe Yakobo, ale wundecelaje luno mbite, hambi nha kweza kwelelecela.” Ninga Yakobo nayo yakatya, “Ng'o ye, Ane sinokulecela sunga langa kolo wandugutiza!”

mwene Yakobo yakasigala yali wene bahalya. Na lono yali yakali yemile bahalya, yakaza munhu yunji, wakawa kwicinda nayo, nawo wakajendelela kwicinda sunga mu maza kwela hakali mitondo.

Nayo Yakobo yakahacemela hanhu baho litagwa lya Penuweli, yakutuniliza yakutya, “Ane nimuwona Mulungu wusu kwa wusu, no wumi wangu wupona.”

Nayo u munhu yuyo, yali yeza kuwona vyono sikomusumiza Yakobo, hodu, yakawa kumupamiza Yakobo mwi'nyonga lye cima, ne linyonga lye cima ca Yakobo, likatinghuka mu wicinde wawo.

Nayo yuyo munhu yakamuwuza yakatya, “Mwene gwegwe nani?” Nayo Yakobo yakamupitula yakatya, “Nene Yakobo.”

Nayo Yakobo yakamutya, “Nane nghukunena dedede wunonjele nagwe litagwa lyako.” Ninga munhu yuyo yakamutya Yakobo, “Ku sokoci wukusaka wumanye litagwa lyangu?” Baho munhu yuyo yakawa kumulugutiza Yakobo.

Ane hamba sinojeye kuli wihuwilwa wako, hamonga no lusungu lwako, vyono wanhendela ane no mwitumami wako. Lono nalowocela likolongo lya Yoludani, nali sina cinhu cinji co cose, langa nali nina yo nghome du, ninga 'lanje, alu ceza cili mapuga mejete.

Na yiyi yo soko yono yaleka Waisilayeli siwalizaga litimba lya mwi'nyonga sunga nalu, vyono u munhu yu yulya yamupamiza Yakobo mwi'nyonga lya mwi'timba lye ciwino cakwe.

Hobaho Yakobo yakamulomba Mulungu yakatya, “Gwe go Mulungu wa baba Abulahamu, go Mulungu wa baba Isaka, go Muwaha Mulungu mono wanonjela vyono mbuye ku yisi yangu ku wandugu zangu, kanyhi wukanyihuwiza vyono konhendela ziswanu.

Go Muwaha Mulungu, alu nghukulomba wumhonye kuli muwaha wangu Esawu, hambi ane nha nghogopa muno, vyono lunji kokuza yacihome no kuciwulaga ase wose, hamonga ne wanyina zo munhu ne wana wose.