Popular Bible Verses from Wukumbucize wo Wulajilize 8

Share

Langa mweze kukumbucila vyono, Muwaha Mulungu, u Mulungu wenyu, yo yakumupelenyi wusume wo kugolipa. Nayo yakwituma zizi vyono mwene kekalaga mwihuwilwa sunga izuwali, ku cilagane cono yacinoza ne walezi wenyu.

Yakamulecenyi ho mudabuce muno, hanyuma yakamulisenyi ndigwa yono yikucemwa Mana. Ndigwa yono ku wulawa katali si mwali muyimanyile nyenye, hamba walezi wenyu, mwali mukali hamba nayilya yaye. Muwaha Mulungu yakazinoza zizi, ho yamwijizenyi mumanye vyono munhu si kekalaga mumi so mukate du, langa vyono, munhu kekalaga mumi ku so zinghani zose zono kazilongaga Muwaha Mulungu.

Kanyhi mukumbucile vyono Muwaha Mulungu, u Mulungu wenyu, yamutonjenyi mu muhinzo mutali, wa mu nyika mu myaka yiyi makumi mane yono yipulute, yakamukozenyi mu makamu menji, ho yamujelenyi, ho yamanye zono zili mu zinhumbula zenyu, na hono mbeka mwendile kugebata malajilizo gakwe, hamba ng'o.

Holeka mulecele lukulu kwihwesa nha vyono, i vinhu vivyo vyose, mwavisawa kwe vilungo vyenyu ne mahala genyu nyo weneco.

“Mulanjilile, mulecele lukulu kumusemwa Muwaha Mulungu, u Mulungu wenyu, mugebate malajilizo gakwe gose gono nghumupelenyi izuwali.

Ninga mukumbucile vyono, Muwaha Mulungu, u Mulungu wenyu, yakuwa kumufundenyi cihuliko, nha vyono i wana wakuwa kufundwa cihuliko ne walezi wawo.

Nanye mosuma kulya co cose cono mosaka kulya, ninga mumulumbe Muwaha Mulungu, u Mulungu wenyu, so yisi yiyo swanu yono yamupelenyi.”

Holeka munojeye mwitume nha vyono Muwaha Mulungu yamulajilizenyi, kanyhi mujendele muli ze malajilizo gakwe, akuno mumogopile mwene.

Na mumo mu nyika, yakamupelenyi ndigwa yono yikucemwa Mana, ho mulye, i ndigwa yono ku wulawa katali, walezi wenyu si wali wayimanyile hamba kuyilya. Yakamukozenyi mu makamu menji, ho yamujelenyi, hanyuma ho yamulugutizenyi kwe vinhu viswanu.

Na kolo mwatuga visakwa vyenyu vyose vyo kulya, na kolo mwazenga kaya swanu no kwikala mumo, na kolo ng'ombe zenyu ne zingholo zenyu, ne fweza zenyu ne zahabu zenyu, vyakondya konjelezeka, hamonga ne sawo yenyu yose, mulanjilile, mulecele lukulu kwikumya, muwe kumusemwa no Muwaha Mulungu, u Mulungu wenyu, mono yamuwusenyi ku wulawa ku yisi ya Misili, kono mwali muli wawanda.

Muwaha Mulungu, u Mulungu wenyu, nha yakumutegulenyi mu yisi yono yina moso, yisi yono yina makolongo ne mivwilo ye malenga, sunga ne vikolongo vye malenga, vikuvwila mu malolo na mu vigongo mucanyha. Yisi yono yikulela ngano, na shayili, na zabibu, ne makomamanga, yisi ye mafuta, no wuci. Na mu yisi yiyo, si molodabucila lukulu, hamba kuwa na wanjile wa cinji co cose. Yisi yono mabwe gayo gena cuma, na mu vigongo vyayo mosuma kuhimba shaba.

“Munojeye mupiligale kugebata ko wihuwilwa, malajilizo gaga gose, gono nakondya kumupelenyi izuwali, ho muwumipe, kanyhi ho monjelezece muwe wenji, no kuyitema yisi yono Muwaha Mulungu yawehuwiziza walezi wenyu.

Na mu myaka yiyi yose makumi mane, myenda yenyu hamba si yasakala yaye, hamba migulu yenyu si yavimba yaye.

Mono yamutonjenyi sunga mukalowoka nyika yo kogofya, mono mwali mogali mazoka gono gena sumu nghali, hamonga ne zinzije. Mu yisi nghavu yono yisina malenga, ninga mwene yakamung'wesenyi malenga mu wulawa mwibwe.