Popular Bible Verses from Wukumbucize wo Wulajilize 11

Share

Kanyhi muwejize ne wana wenyu. Mweze kuziduwila ze malajilizo gaga, lono muli mu zikaya zenyu, hamba lono muli hanhu ho hose, hamba lono mucehile, hamba lono muli mu milimo yenyu.

“Holeka mugakamise malajilizo gaga mu zinhumbula zenyu na mu mitima yenyu. Mugawope mu zimhukumhuku ze miwoko yenyu, na ha ciligati ye meso mu vihanda vyo wusu wenyu, viwe nha citanjilo co kumukumbucizenyi nhondo zose.

“Holeka munojeye mugebate muno muno i malajilizo gono nakondya kumulonjelenyi izuwali. Mumwende Muwaha Mulungu, u Mulungu wenyu, mumwitumamile kwe zinhumbula zenyu zose. Na hono mwitume nhavivyo, nayo komutonyezezenyi mvula mu yisi yenyu, mu cidaha cayo, mvula ye mhinga ne mvula ye mafuso, ho mududule wuhemba wenyu, ne divayi yenyu, hamonga ne mafuta ge mizeyituni yenyu

“Mumwendaje Muwaha Mulungu, u Mulungu wenyu, kanyhi mweze mugebate ne malajilizo gakwe nhondo zose.

“Alu nane izuwali, nghumulecenyi mwihagulile nyo weneco, hono mokwenda wulugute, hamba mokwenda wulijitwe. Hono mugebate malajilizo go Muwaha Mulungu, u Mulungu wenyu, gono nghumulonjelenyi izuwali, ale, molugutwa. Ninga hono mulece kugebata malajilizo gaga, kanyhi muwuye ne nyuma muwe kuyihemba milungu yo wulambi, yono si mwayihembaga katali, ale mumanye, vyono molijitwa.

Mugandice sunga na mu zi fulemu ze milango ye zikaya zenyu, sunga na mu malango genyu ge zi luwa zenyu. Holeka anye, ne wana wenyu, mokwikala vilo vinji, mu yisi yono Muwaha Mulungu, u Mulungu wenyu, yawehuwiziza i walezi wenyu, nha vyono kowapela. Na mbeka, mokwikala mu yisi yiyo vilo vinji du muno, nha vyono vinha vilo vyo wulanga wono wuli mucanyha ye yinze.

Holeka mwiyilanjililaje muno muno ho mulece kumuleka Muwaha Mulungu, no kuhemba milungu yinji, no kuyitumamila.