Popular Bible Verses from Wakolosayi 1

Share

U Mwene yacikomboza mu wulawa mu vilungo vye citi, yakacileta cipolile mu wutemi wo Mwanagwe u mwendece

Hambi nha muli mwene mo Mulungu yaviwumbila vinhu vyose vyono vili mono yinze na vyono vili ku wulanga, vinhu vyono vijelaga ne vinhu vyono si vijelaga, we magoda matambule, ne Watemi, i Wawaha na wose wono wena u wulajilize. Vivi vyose u Mulungu yaviwumbila muli mweneco, na ku soko yakwe.

Kilisito yali yali baho na lono viwumbwa vyose vikali si nawa, na vyose vikamisizwe muli mwene, navyo vyose vikalaga nha vyono vyawikwa.

Kilisito yo hwani yeneco yono yikwijela yo Mulungu mono si kejelaga. U mwene yo Mwana u mulongozi kulelwa, kanyhi yo muwaha yacizize viwumbwa vyose.

Ku soko yiyo nase kanyhi, vyono calawa lizuwa lyono cahulicila i zenyu, si cidilaga kumulombelenyi. Cikumulomba u Mulungu yamumemyenyi u wumanye wose wo wuhile wakwe, yamumemyenyi mahala gose no wutanje wono wukuletwa no Muhe wakwe. Baho langa ho mosuma kwikala nha vyono yikumunojeza u Muwaha, no kwituma nhondo zose zo wuhile wakwe. Ne mikalile yenyu yowa yina mana gose ge metumo maswanu, nanye mocila muno kuwiluka mu wu mumanya u Mulungu.