Popular Bible Verses from 1 Timoteyo 5

Share

Ninga munhu mono si kawalulaga wanhu we mhuga yakwe, ko muno wawalya wa mu kaya yakwe, umunhu yuyo yakondya kuwukana wihuwilo, kanyhi mubi kuciza no munhu mono siyehuwiye.

Wulece kumutacila u munhu muwaha, langa wumunenaje kotya nha Sogo mono yakulelile. Wuwatendele Iwadodo we cilume nawo, kotya nha wanduguzo

Iwanyamhala wono watongaga wanhu viswanu yiwanojeye watuje musahala kali kejete, ko muno wawalya wono wahidimbalaga mu wuganule na mu wijize.

Kanyhi wulece kumuwicila miwoko munhu wo wose musunho, ku soko yo kumwitumamila Muwaha. Wulece kuhanga u wubi we wanji, langa wikamisaje welile mu nhumbula yako.