Popular Bible Verses from 1 Timoteyo 1

Share

No wulonje wuwu nha wa mbeka, na kanyhi wunojeye wuvumilwe muno muno, vyono Kilisito Yesu yaza kononze kuwaponya wanyo wubi. Nane nha nili mubi kuciza wawo wose.

Ninga mwene Mulungu yakambonela lusungu, ho Kilisito yawulajile wukangalizi wakwe wose kuli'ne, wuwe nha musambo kuli awalya wono hanyuma yayo wolomwihuwila no kubocela wumi we cibitilila.

Ale u wulunji we lilajilizo lili, nha wukukong'onheza uwendo wono wukulawa mu nhumbula nzelu, no mutima muswanu, na mu wihuwilo we mbeka.

Ale, kuli mwene Mutemi we cibitilila na we sakalakale, mono sikawonagwa, umwene Mulungu we ciwene, lyeze lilumbo no lukumyo cibitilila na cibitilila! Heya.

Ninga yicinojeye cikumbucile vyono u wulajilize si wukuwa kuwikwa so wanhu waswanu, langa wuwikwaga ku soko ye wahodanji na wono wasina cihuliko, wono siwamogopile u Mulungu ne wanyo wubi, iwanhu wono wasina dini, kanyhi we ciyinze yinze. Kanyhi wuwikwaga ku soko ye wanhu wono wawulagaga i wasogo zawo ne wanyina zawo, wawulaga wanhu, kanyhi wulajilize nha wuwicigwe ku soko ye wanhu wasenyha, i wamelopezi, i wahiza wanhu, walambi, na wono welahaga ko wulambi, hamba na wono wetumaga zono zili suta ne mejizo ge mbeka.