Popular Bible Verses from 1 Wakolinto 12

Share

Na munhu wo wose kapegwaga u wuzelu wo Muhe so cambuzi ca wose.

Holeka anye wose muli muwili wa Kilisito, nanye wose muli vilunzwa vyo muwili wuwo.

Na hono cilunzwa cimonga du cituje wusungu, i vilunzwa vyose vikuwona wusungu hamonga du na hono cituje lilumbo, ne vilunzwa vinji vyose navyo vikusangalalana hamonga naco.

U Muhe kamupelaga yunji i nghani ye mahala, na yunji i nghani yo wusome, nha vyono yendile u Muhe yuyo du. Kanyhi u Muhe yuyo alu, kamupelaga yunji wihuwilo, na yunji kamupelaga cipegwa co kuponya, kamupelaga yunji cipegwa co kunoza mapoto, na yunji cipegwa co kuyiganula nghani yo Mulungu, na yunji cipegwa co wutanje we vipegwa vyono vikulawa mu Muhe na vyono si vyo Muhe, kamupelaga yunji cipegwa co kulonga milonjele ye cijenzi, na yunji kanyhi cipegwa co wulolose.

Zizo zose yo milimo yo Muhe yuyo du monga, mono kamupelaga munhu na cipegwa cakwe cono cisimajiye, nha vyono yendile mweneco.

ho halece kuwa na matemanuko mu muwili, langa vilunzwa vyose ho visume kwiyitaza hamonga.

Ne vipegwa vyo Muhe vili henji ninga u Muhe mono yakuvilavya yumonga du. No witumami nawo wuli henji, ninga u Muwaha munyakwitumamilwa yo yumonga du. Kanyhi ko wuli no witumami nawo wuli henji, ninga u Mulungu yo monga du, mono yakulavya ivilungo vyo witume muli wose.

Nayo u Mulungu yawika mwikanisa, walongozi, watumwa, we kejete, wawizi, we kadatu, wejizi, hanyuma yayo, yakawa kuwawika walya wono wena vipegwa vyo kunoza mapoto, kuponya, kutaza, walongola, na wono wakulonga nonga njenzi.

U muwili si vyono wina cilunzwa cimonga du, langa wina vilunzwa vinji.

Hamonga na zizo, yikwijela vyono vilunzwa vivilya vyo muwili vyono vijelaga nha yisoceye, alu vivyo kumbe vyo yikusakwa muno muno.

Na hono lu u muwili wose wali wuwe liso, alu likutu lyali liwe hayi? Na hono u muwili wose wali wuwe likutu, alu u munhu yali yasume nhawule kuhemvya. Ninga nha vyono yinha, u Mulungu yaciwika i vilunzwa vivyo mu muwili nha vyono yenda mweneco. Na hono i vilunzwa vyose vyali viwe cilunzwa cimonga, alu u muwili ma ho wali wuwe hayi?