Popular Bible Verses from Loma 8

Share

Neke tuludzelye ukutigila avamwendile Nguluvi fyonda fikuvahelelela kunofu, ndilonga ava kongolilwe uvugelanidze.

Pakuva unene ndigi-nalidzwe ukuta fyonda hela na vu vûmi na ku kufwa navańa-mwandza na vu vutwa nutwa lino nutulava na dzi ngufu nulunepo nuvunipa nikigavwa kye kivedzaga, fyonda hela fisilanda-dālula ponu kulwendo lwa Nguluvi, uluvonekye mwa Kilisiti Jesu, umutwa visu.

Ve ali-vo na ju Mubepo, akutwanukila pavutenda vwesu, pakuva napakulapangila tusilukagwe ulufulwike, akutwīmīlila ju Mubepo nimbumilo idzisilongwa.

Lino tulongage luli kwi uluṅgi? Nguluvi ngana mujisu, apo akutulema ani?

Apo humbi, avagenda mwa Kilisiti Jesu, si-vidadila hamu?

Ndivwene ukuhodza uluńa-ńama ja muvili kwe kufwa, ukuhodza uluńa-Mubepo vwe vûmi, kwe kutengamana

Neke unefwe dzond’idzi tudziteluhidze siku-teludza mwa je atwendile.

Ndivwene unene nditigila: ukupumuka kwa lino uku kunemile kundolo, dze alatufwikulila.

Apo je nani, j’akutu-dadālula kuvwênde vwa Kilisiti? Vona fikutu-dadālula fi fipumuko, nambi uvnbane, nambi ukufwimwa, nambi ukudagana, nambi uvutafwala, nambi ifińafwa, nambi ikigoha?

Neke umukomandza-numbula agidzelye nimi-hodzehedze gya Mubepo, akuvimila avîmike uluńa-Nguluvi.

Ndivwene vonda, avisuńwa kwa Mubepo va Nguluvi, ve vâna va Nguluvi vavo.

Ndivwene avańa-ńama ja muvili vihodza uluńa-ńama ja muvili, neke avańa-Mubepo vihodza uluńa-Mubepo.

Je asamugungulidze numuswamuve umuńa-ki-mwinga neke atutagilage twivonda, asilahandza na jujo vona pakutupela fyonda?

Je Mubepo jujo, je aku-tōlekela pamibepo gyesu ukuta tuli vâna va Nguluvi. Neke ngana tuli vâna, apo nukuhāla tulahâla ilipwela lya Nguluvi, ve tulahālanila pamwinga na Kilisiti; ulwene tupumukage pamwi, apo na mundolo twihanga.

pakuva ukuhodza uluńa-ńama ja muvili vwe vukava nu-Nguluvi, ndivwene kusileva kumilagililwe gya Nguluvi, ndivwene kulemilwe swe.

Pakuva ifigavwa fili nikindolela, fidzindila lwe valafwikulilwa avâna va Nguluvi.

Ndivwene tulukagwe najufwe ifigavwa fyonda ukuta fikwibungula fikwi-gīma iṅegeta ukufika kuneṅuli.