Popular Bible Verses from Luvilatulilo 8

Share

Neke avye adindwe ikikolekelelo kya mufúṅàti neke baho kukyâńa kudzikage dzili hela ukufika sala nusu.

Neke akuvage ululongodzi ulukwalimba neke fivonekage namaganga ga nońa numôto fitimbuliṅine nidanda, neke fye fi-tagwage pasi pa-ńi, neke baho nińi jipyage ulubali lwa vudatu neke nimibiki gipyage ulubali lwa vudatu neke nilisoli ilivinga lyonda lipyage.

Neke baho mbonage neke ndipulikage ilinga-simula liguluka pamutwe-kyâńa neke lilongela mulukemelo ulukomi litigila: iga iga iga vonda, avadzengile pa-ńi pasi ulwa lidzwi lya ńwalimba idzi-sigye idza vańa-mwandza vadatu, avikola mukukuva lino.

Neke akuvage umuńa-mwandza va vuvili ulu-kwalimba, neke baho ki-sopwage ikinu ikili ngita kidunda, kipyaumôto, muńandza. Neke lino baho ińandza jihambukage danda ulubali lwa vudatu.

Neke baho akuvage umuńa-mwandza va vudatu ulukwalimba; neke lino baho lulagalage ukuhuma kukyâńa ulutondwe ulukomi, ulwipya ngita menge, lwigwila pandenga ulubali lwa vudatu na mufisima fya ndenga. Neke ilitavwa lya lutondwe ulu vitigila libiki ligoha. Neke baho na dzi ndenga dzidzukage libiki ligoha nadzo ulubali lwa vudatu. Neke lino baho avanu vafwidzage ululenga, pakuva lwadzukile libiki ligoha.

Neke baho akuvage umuńa-mwandza va vutaji ulukwalimba. Neke lino baho lutovwage ulubali lwa vudatu lwa lidzuva nulwa mwêdzi nulwa nondwe, fyonda pakutigila fitilivalage ulubali lwa vudatu, na pamûńi fyakanile ukuvala ulubali lwa vudatu na pakilo ndesi.