Popular Bible Verses from Filipi 2

Share

mutane ulwa ndzodzo, nambi ulwa kwiginika lwe hela, hamu mwilēvedzage mwivonda mutigilage umujangu andutye uvuko mi. Mwivonda mutane ukwigondamihidza najula tu twakwe, hamu mwivukage na tu twa vajeńo mwivonda.

Muhodzehedzage pamwinga na Jesu Kilisiti.

Umwene nd’avedzaga ali nagyo imivedzehedze iginguluvi, asahambulaga kibupano lwe ategine nu-Nguluvi, hamu umwene ipungwe ju mwene neke atolage imivedzehedze gya musutu neke adzukage luhwanano lwa vanu, na ki kîmo avonekaga ngita munu. Ilēvidze ju mwene neke adzukage muńa-kukunda ukufika kumifwile, igyene imifwile gya pakipindulihidzo.

Ndivwene je Nguluvi, je ikuvagimbila umweńo nimikungile nimidudzihidze, ndeve alwendile umwene.

Kye alesile na ju Nguluvi nave amwinusage neke amudapage nilitavwa, ililutye kumatavwa gonda, ukuta amafugamilo ga vonda na ga va kukyâńa na ga va pasi na ga va kuvulungu gafuga-milage pa pitavwa lya Jesu, nihdimi dzonda ukuta dzimwidikage ju Jesu Kilisiti, ukuva je mutwa, ukuta alumbwage Nguluvi udadye.

Fyonda mufilimage kitibungula, kitiganisa, pakuta muvedzage mwi vagaja-lungi, mwi vagaja-vutimbuliṅase, mwi vâna va Nguluvi avagajalunu mu mukipelela ikibidime, ikinyongine iki, mwe mwiṅalagadikila uńeńe ngita nondwe muńi muno

Neke lino, ńe vend’ańe, ndeve mwidikilaga mbêpali, je musalekaga ukwidikila, pe ndali pondi pene, hamu je mulutidze mbando lino ukwidikila, pe si pondi, nditigila: muhandzage nuvogofi nulutendemela, pe mwigimba idza kupokwa uńeńe.